Avropa İttifaqının səfiri Karl Harçel gürcü xalqını Müstəqillik
Günü münasibətilə təbrik edib.
Harçelin qeyd etdiyinə görə, Aİ Gürcüstanın müstəqilliyi,
suverenliyi və ərazi bütövlüyünün sarsılmaz tərəfdarı olaraq
qalır.
“Gürcüstanı və gürcü xalqını Müstəqillik Günü
münasibətilə ürəkdən təbrik edirəm.
Aİ Gürcüstanın müstəqilliyi, suverenliyi və ərazi bütövlüyünün
sadiq tərəfdarı olaraq qalır. Bu çətin zamanda bizi Ukrayna ilə
həmrəylik birləşdirir.
Biz Gürcüstanın yanındayıq və aramızdakı dərin əlaqələri yüksək
qiymətləndiririk. Biz bu əlaqələrin daha da dərinləşməsini
istəyirik. Martın 3-də Gürcüstan hökuməti ölkənin mütləq
əksəriyyətinin arzularını ifadə edərək, Avropa İttifaqına daxil
olmaq niyyətini bəyan edib.
Gürcüstan öz tarixi dəyərlərinə əsaslanaraq seçim etdi. İndi
Gürcüstanın Avropa yoluna sadiqliyini təsdiqləmək üçün qəti
addımlar atmasının vaxtıdır”, - deyə Harçel
bildirib.