Aydındır ki, dünyada gedən inflyasiya prosesləri idxaldan asılı olan Gürcüstana da təsir edəcək.

Nəticədə son bir neçə ayda ölkədə ərzaq məhsulları bahalaşıb. Qiyməti ucuzlaşan məhsulların siyahısı isə azalır. Məsələn, bir il əvvəl və ya ondan əvvəl statistik siyahıda daha ucuz malların sayı 10-u ötübsə, son aylarda faktiki olaraq cəmi 4-5 məhsulun qiyməti aşağı salınıb.

Hətta 2022-ci ilin noyabrında Gürcüstanda cəmi 5 ərzaq məhsulu ucuzlaşıb. Daha dəqiq desək:

• Gavalı - 26,37% ucuzlaşıb
• Üzüm - 18,59% ucuzlaşıb
• Kələm - 13,76% ucuzlaşıb
• Sarımsaq - 6,90% ucuzlaşıb
• Badımcan - 0,93% ucuzlaşıb

Məlumat üçün bildirək ki, 2022-ci ilin noyabr ayında əvvəlki ayla müqayisədə Gürcüstanda inflyasiyanın səviyyəsi 0,5 faiz, illik inflyasiyanın səviyyəsi isə 10,4 faiz təşkil edib. Bu barədə məlumatı Milli Statistika Xidməti yayıb.

Baza inflyasiyaya gəlincə, 2022-ci ilin noyabr ayında ötən ilin müvafiq dövrü ilə müqayisədə bu göstərici 7,1 faiz, tütünsüz illik baza inflyasiyası isə 7,2 faiz müəyyən edilib.