İranın Baş Prokuroru: “Əxlaq Polisi” ləğv edildi
İranın Baş Prokuroru Məhəmməd Cəfər Montazeri, İslam Respublikasının digər şeylərlə yanaşı, İslami geyim tərzinə nəzarət edən “Əxlaq Polisi”ni ləğv etdiyini açıqlayıb.

Bu elanın fonunda sentyabrın ortalarından bəri davam edən etirazlar görünür.
"Əxlaq polisinin ədalətlə heç bir əlaqəsi yoxdur" deyən prokuror Montazeri ictimaiyyətə onu da bildirib ki, hökumət qadınlara çadra taxmağı məcbur edən qanuna yenidən baxa bilər.Onun sözlərinə görə, parlament və Ədliyyə Nazirliyi bu məsələni müzakirə edir və bir-iki həftəyə qərar gözlənilir.

Bundan əvvəl İran rəsmiləri etirazçıların tələblərinin yerinə yetiriləcəyi ehtimalını istisna etmişdi.
Sentyabrın 16-da Kürdüstandan Tehrana gələn 22 yaşlı Məhsa Zina Əminin çadranı səhv taxdığı üçün “Əxlaq Polisi” tərəfindən həbs edilməsindən sonra geniş etirazlar başlayıb. Əmini iki gün sonra xəstəxanada qaldıqdan dünyasını dəyişib. Ölümün səbəbi müstəqil ekspertiza tərəfindən müəyyən edilməyib.

İran hökuməti etirazları qızışdırmaqda Qərbi, ABŞ-ı, İsraili və əlaqəli “terror qrupları” və kürd müxalifətçiləri ittiham edir. “Əxlaq Polisi” 2006-cı ildə keçmiş prezident Mahmud Əhmədinejadın dövründə “davranış patrulu” kimi yaradılıb və onun zabitləri iranlıların, ilk növbədə qadınların “təvazökarlıq qaydalarına” riayət etməsinə və hicab taxmasına nəzarət edirdi. İranlı qadınlar tez-tez “əxlaq polisi”nin kobud rəftarından xəbər verirlər.

İran təhlükəsizlik qüvvələri “Qadınlar, həyat, azadlıq” şüarları səsləndirən və rejimin devrilməsinə çağıran etirazçıları sıxışdırıb.

Osloda yerləşən hüquq qrupunun məlumatına görə, sentyabr ayından bəri etirazlarda ölənlərin sayı onlarla azyaşlı və uşaq olmaqla 400-ə çatıb.

Noyabrın 14-də İran məhkəməsi aksiya iştirakçılarına ilk ölüm hökmü çıxarıb.

İranın dövlət televiziyasına müsahibəsində təhlükəsizlik nazirinin müavini Məcid Mirəhmədi dekabrın 4-də bildirib ki, etirazların əsas səbəbi iqtisadi xarakter daşımır. “Bu, məsələlərdən biridir, amma əsas deyil” deyən o, buna səbəb kimi “haqsızlığa etiraz” olduğunu bildirib.

İran prezidenti İbrahim Rəisi dekabrın 3-də deyib ki, İranın İslam təməli konstitusiyada təsbit olunub, lakin “konstitusiyanın həyata keçirilməsi üçün çevik üsullar var”.

Print Email
FaceBook Twitter Google