Soldan: Romeo Pirçaxia, Merab Aladaşvili, Badri Markelia, Avto Rurua və Roland Kvaratsxelia
Gürcüstan Xarici İşlər Nazirliyi Ukraynada Baxmutda döyüşdə beş gürcü döyüşçünün həlak olduğunu təsdiqləyib.

Azadlıq Radiosuna bildiriblər ki, Gürcüstanın Ukraynadakı səfirliyi Sakarvelonun beş vətəndaşının həlak olması faktını təsdiqləyib.

Ölən gürcü döyüşçülərinin adları məlum olub. Bunlardır:

• Avto Rurua;
• Romeo Pirçaxia;
• Roland Kvaratsxelia;
• Badri Markelia;
• Merab Aladaşvili.

Gürcü dəstəsinin üzvləri Baxmut yaxınlığında “kadırovçular”ın hücumu nəticəsində həlak olublar.

Fevralın 24-də Rusiya Ukraynada genişmiqyaslı müharibəyə başladı. Ukraynada yaşayan və ya Gürcüstanı tərk edən 1500-ə yaxın gürcü döyüşçü Ukraynanın tərəfində döyüşür. Gürcü döyüşçülərinin ölümü ilə bağlı ilk məlumat martın 18-də yayılıb. Sonuncu, 28-ci gürcü döyüşçüsü Ukraynada dekabrın 1-də həlak olub.