Hökumət administrasiyasının məlumatına görə, baş nazir İrakli Qaribaşvili Krtsanisdə general Qiorqi Mazniaşvili adına kursant hərbi liseyinin tikintisinin təməlini qoyub.

Administrasiya bildirir ki, İrakli Qaribaşvili Müdafiə Nazirliyinin rəhbərləri ilə birlikdə binanın bünövrəsinə kapsul qoyub və nəzərdə tutulan işlər barədə ətraflı məlumat dinləyib.

Müdafiə Nazirliyi tərəfindən liseyin ərazisində yeni funksional korpuslar tikiləcək, mövcud obyektlər isə tamamilə yenidən qurulacaq.

“42 hektar ərazidə 400 nəfərlik yaşayış və tədris binalarının, yeməkxana və tibb məntəqələrinin, o cümlədən konfrans zalı və inzibati binasının əsaslı şəkildə yenidən qurulması nəzərdə tutulur.

Həmçinin simulyasiya mərkəzi, qapalı idman zalı, infrastruktur xidməti binası və keçid məntəqəsi tikiləcək. Ərazidə yeni dayanacaq, yanacaqdoldurma məntəqəsi, avtoyuma və avtonəqliyyat vasitələrinin təmiri sahəsi təşkil olunacaq. Kursantlar üçün hərbi liseyin tikintisinə 40 milyon lari ayrılıb”, - məlumatda deyilir.

Hökumət administrasiyasının məlumatına görə, Gürcüstanın qərbində yerləşən Kutaisi şəhərində general Qiorqi Kvinitadze adına kursantlar üçün hərbi lisey illərdir uğurla fəaliyyət göstərir. Yeni Lisey Qərbi Gürcüstan Liseyinə bənzəyəcək və Şərqi Gürcüstanı əhatə edəcək.