Bu gün, 20 mart tarixində Qardabani rayonunda Novruz bayramı qeyd
olunub.
Bayram münasibətilə Qardabani şəhər Mədəniyyət və İstirahət
Parkında Novruz şənliyi təşkil edilib. Tədbirdə Kvemo Kartli üzrə
Dövlət Müvəkkili Qiorqi Doxturişvili, Qardabani bələdiyyəsinin meri
Davit Karqareteli, parlamentin deputatları Savalan Mirzəyev, Zaur
Darğallı və Kaxa Koberidze həmçinin yerli hökumət və ictimaiyyət
nümayəndələri iştirak ediblər.
Novruz ənənələrinə uyğun olaraq bəzədilmiş parkda əvvəlcə bayram
tonqalı alovlandırılıb.
Rəsmilər Novruz bayramı münasibətilə təbriklərini çatdırıblar.
Tədbir çərçivəsində müxtəlif əl işlərindən ibarət sərgi açılıb,
şirniyyat və müxtəlif mətbəx nümunələri təqdim olunub. Bayram
şənliyində müxtəlif idman növləri üzrə yarışlar da keçirilib.
Qaliblərə mükafatlar təqdim olunub.