2023-cü ildə Marneuli şəhər 4 saylı uşaq bağçasında bərpa işləri aparılıb. Kvemo Kartli bölgəsi tərəfindən yayımlanmış məlumata görə, Gürcüstanın Baş nazirinin təşəbbüsü ilə ölkə miqyasında 885 uşaq bağçasının tikinti-bərpası həyata keçiriləcək.

Qeyd olunan proqram çərçivəsində Kvemo Kartli regionunda cari ildə 15 yeni məktəbəqədər təhsil müəssisəsinin tikintisinə, 8 uşaq bağçasının bərpasına başlanılacaq.
2023-cü ildə tikiləcək:

• Rustavi şəhər
  11 və 25 saylı uşaq bağçaları;
• Bolnisinin Kazreti qəsəbəsi və Mamxuti uşaq bağçaları;
• Tetritskaroda Vaşlovani və Orbeti uşaq bağçaları;
• Tsalkada Tialeti və Kaburi uşaq bağçaları;
• Qardabanidə Martkopi və Sartiçala uşaq bağçaları;
• Dmanisidə Hamamlı və Yırğançay uşaq bağçaları;
• Marneulidə Marneuli şəhər, Tsereteli və Şulaveri uşaq bağçaları.

2023-cü ildə bərpa olunacaq bağçalar:

• Rustavi 31 saylı bağçası;
• Bolnisi bələdiyyəsində Tantsia və Kvemo Bolnisi bağçası;
• Qardabani bələdiyyəsində Lemşveniera 1 saylı və Lemşveniera-Mzianeti bağçası;
• Dmanisi 1 saylı uşaq bağçası;
• Tetritskaro 1 saylı uşaq bağçası;
• Marneuli 4 saylı uşaq bağçası.

Tikinti-bərpa işlərini Gürcüstanın Regional İnkişaf və İnfrastruktur Nazirliyinin Bələdiyyələrin İnkişafı Fondu həyata keçirəcək.

Qeyd edək ki, Marneulidə 3 bağçanın tikintisinə dövlət büdcəsindən 10 milyondan artıq vəsait ayrılıb.