Dövlət Xidmətlərinin İnkişafı Agentliyi xəbər verir ki, şəxsiyyət
vəsiqəsi və biometrik pasportu olan Gürcüstan vətəndaşları sərhəd
nəzarətindən daha asan keçəcəklər.
“Beynəlxalq Mülki Aviasiya Təşkilatına (ICAO) ilk dəfə
olaraq, sənədi imzalayan ölkənin səyahət sənədlərinin həqiqiliyini
təsdiq edən əsas sertifikatları təqdim edilib.
Ədliyyə Nazirliyinin Dövlət Xidmətlərinin İnkişafı Agentliyi
tərəfindən ilk dəfə olaraq Beynəlxalq Mülki Aviasiya Təşkilatına
(ICAO) biometrik pasportun və elektron şəxsiyyət vəsiqəsinin
həqiqiliyini təsdiq edən Ölkənin Əsas İmza Sertifikatı təqdim
edilib.
Agentliyin sədr müavini Vladimir Siçinava Kanadanın Monreal
şəhərində Beynəlxalq Mülki Aviasiya Təşkilatına həmin təşkilatın
Açıq Açar Kitabxanasına (ICAO PKD) yüklənmiş sertifikatları təqdim
edib.
Açıq Açar Kataloq Beynəlxalq Mülki Aviasiya Təşkilatına üzv olan
193 ölkənin məlumatlarını özündə cəmləşdirən, sərhədlərdə dövlətlər
arasında səyahət sənədi məlumatlarının təhlükəsiz və sürətli
mübadiləsini asanlaşdıran vahid sənəd identifikasiyası
sistemidir.
Ölkənin əsas imzalayan sertifikatlarının ICAO standartlarına
uyğunluğu Gürcüstan adından verilən səyahət sənədlərinin
etibarlılığını əhəmiyyətli dərəcədə artırır. Nəticədə şəxsiyyət
vəsiqəsi və biometrik pasportu olan Gürcüstan vətəndaşları sərhəd
nəzarətindən daha asan keçəcəklər.
Monreala səfəri zamanı Dövlət Xidmətlərinin İnkişafı Agentliyinin
nümayəndələri ICAO-nun 18-ci Simpoziumunda iştirak ediblər, burada
nümayəndələr elektron səyahət sənədlərinin təhlükəsizliyi və
identifikasiyası üzrə yeni texniki və hüquqi standartlarla tanış
olublar.
Beynəlxalq Mülki Aviasiya Təşkilatı səyahət sənədlərinin
etibarlılığı və təhlükəsizliyi üçün beynəlxalq standartları müəyyən
edir və daim yeniləyir. Həmçinin, o, vaxtaşırı Gürcüstan Ədliyyə
Nazirliyinin Dövlət Xidmətlərinin İnkişafı Agentliyinin inkişaf
yönümlü bir qurum kimi müştərilərə daha da təkmil xidmətlər təklif
etmək üçün mütəmadi olaraq iştirak etdiyi simpoziumlara rəhbərlik
edir”, - agentliyin məlumatında qeyd olunur.