Güclü tufan sahilyanı rayonlarda problemlər yaradıb
Güclü tufan Qərbi Gürcüstanın sahilyanı rayonlarında problemlər yaradıb. Batumidə demək olar ki, 8 ballıq tufan olub, nəticədə bulvarın infrastrukturuna ziyan dəyib.

Kobuletidə də güclü tufan olub. Bəndlər suyu saxlaya bilməyib. Yerli sakinlərin sözlərinə görə, məktəbə suyun daxil olması təhlükəsi yaranıb və bu səbəbdən də tədris prosesi dayandırılıb.

Potidə də güclü yağış yağıb, Kostava küçəsində yerləşən çoxmənzilli yaşayış binasının damını güclü külək uçurub. Həyətdəki avtomobillərə ziyan dəyib. Yerli sakinlərin sözlərinə görə, evlərə ziyan dəyib, təbii fəlakətin vurduğu ziyan böyükdür.

“Yağış başladı, dam uçdu... Yenicə təmir etmişdim və mənə ziyan dəydi, maşınıma da ziyan dəydi, yağış davam etsə, daha pis olacaq”,
- yerli sakin bildirib.

Dənizkənarı rayonların yerli özünüidarəetmə orqanları fövqəladə rejimdə işlədiklərini və intensiv təmizlik işləri apardıqlarını bildirirlər.

Anakliyada da tufan olub. Yerli sakinlərin sözlərinə görə, sahilboyu infrastruktura, eləcə də amfiteatrın binasına ziyan dəyib.

İşğal altında olan Qaqrada da güclü tufan olub. Sosial şəbəkələrdə təbii fəlakəti əks etdirən çoxlu videolar yayılıb. Güclü tufan nəticəsində Qaqrada sahilə yaxın binalar və küçələr su altında qalıb.

Mənbə: BPN

Print Email
FaceBook Twitter Google