"Gürcüstanda Avropa İttifaqının maliyyələşdirməsi də qeyri-şəffafdır" - Papuaşvili
Parlamentin spikeri Şalva Papuaşvili yenidən Qərbin maliyyələşdirməsinin qeyri-şəffaf olduğunu iddia edib və bu dəfə Avropa İttifaqını misal gətirib. O, bununla bağlı jurnalistlərə açıqlama verib və deyib ki, “Aİ-nin maliyyəsi də qeyri-şəffafdır”.

“Bu, başqalarının, xüsusən də maliyyəsi Gürcüstana qeyri-şəffaf daxil olanların maraqlarına uyğun olmaya bilər. Təəssüf ki, Aİ-nin maliyyələşdirməsi də Gürcüstanda qeyri-şəffafdır. Biz, məsələn, Avropa Demokratiya Fondunun Gürcüstanda maliyyələşməsini gizlədən, Avropa dəyərlərinə tamamilə zidd olan nümunələri də bilirik.

Təəssüflər olsun ki, bir il ərzində mən şəxsən Avropa İttifaqının müxtəlif strukturları ilə əlaqə saxlayaraq Avropa İttifaqının nümayəndələrinin özlərini inandırmağa çalışdım ki, Avropa dəyərlərindən kənara çıxaraq radikal qrupları, siyasi partiyaları gizli şəkildə maliyyələşdirmək yanlış davranışdır. Təəssüf ki, mən onları inandıra bilmədim, ona görə də qanunu qəbul etməliyik”,
- Papuaşvili bildirib.

Mənbə: Publika

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!
Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin! +995557994415

“Gürcü Arzusu” bir daha “Rusiya qanununu” qəbul etməyi planlaşdırır. Həmin qanun 2023-cü ilin mart ayında kütləvi etirazlar nəticəsində geri çəkilmişdi. “Gürcü Arzusu” ötən il vəd vermişdi ki, “Rusiya qanunu” Parlamentə qaytarmayacaqlar. Amma vədi pozublar. “Gürcü Arzusu” qanun layihəsinin ilkin formasından yalnız “agent” sözünü çıxarıb və onu xarici maraqların daşıyıcısı ilə əvəz edib.
Qanuna görə, gəlirinin 20%-dən artığı xaricdən əldə olunan bütün QHT və media təşkilatlar xarici qüvvələrin maraq daşıyıcısı hesab olunurlar. Dövlət bu təşkilatların fəaliyyətini və məqsədlərini araşdırmayacaq, onların hamısına xarici qüvvələrin maraq daşıyıcısı adını verəcək.
Qanun sivil ölkələrdə olduğu kimi düşmən əhval-ruhiyyəli ölkələrdən gələn maliyyəyə deyil, Avropa və Amerikadan gələn maliyyəyə istiqamətlənib.
Qanunun irəli sürülməsinə görə, Avropa İttifaqı üzvləri və Gürcüstanın dost ölkə liderləri öz təəccüblərini bildiriblər, Rusiya Prezidentinin mətbuat katibi isə “Gürcü Arzusu”-nun qanununu bəyənib.
Print Email
FaceBook Twitter Google