Gürcüstanda fəaliyyət göstərən şirkətlərdən birinin direktoru gəlirlərini səhv bəyan etməklə 1 milyon 524 min 223 lari vergidən yayınıb. Bu barədə məlumatı Maliyyə Nazirliyinin istintaq xidməti yayıb. Nazirliyin məlumatına görə, xüsusilə külli miqdarda vergidən qəsdən yayınmaya görə bir nəfər həbs edilib.

“Gürcüstanın Maliyyə Nazirliyinin istintaq xidməti tərəfindən həyata keçirilmiş istintaq hərəkətləri nəticəsində xüsusilə külli miqdarda vergidən qəsdən yayınma faktı üzrə bir nəfər həbs edilib.

İstintaq müəyyən edib ki, şirkətlərdən birinin direktoru və faktiki sahibi olan təqsirləndirilən şəxs qanunsuz maddi gəlir əldə etmək məqsədi ilə vergi qanunvericiliyini pozaraq, gəlirlərini sistemli şəkildə düzgün bəyan etməmiş, hər hansı şəkildə qəsdən əsas vergidən yayınmışdır. 1 524 223 lari məbləğində dövlət büdcəsinə məxsus vergini ödəməmişdir”, – Maliyyə Nazirliyinin istintaq xidmətinin yaydığı məlumatda deyilir.

Agentliyin məlumatına görə, istintaq Gürcüstan Cinayət Məcəlləsinin 218-ci maddəsinin ikinci hissəsi ilə aparılır. Həmin maddəyə görə, 5 ildən 8 ilədək müddətə azadlıqdan məhrumetmə nəzərdə tutulur.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin! +995557994415

---