ABŞ prezidenti Co Bayden Vaşinqtonda keçirilən NATO sammitində sözü Ukrayna prezidenti Vladimir Zelenskiyə vermək istəyərkən onu Putinlə səhv salıb.

Bayden Zelenskini kürsüyə çağırarkən onu “Ukrayna prezidenti Putin” kimi təqdim edib.

“İndi isə sözü təkcə cəsarəti yox, həm də qətiyyəti olan Ukrayna prezidentinə vermək istəyirəm. Xanımlar və cənablar, prezident Putin”, - deyə Bayden bildirib.

Tamaşaçılar “Prezident Putini” alqışlamağa başlayanda Bayden vəziyyəti düzəltməyə çalışaraq:

“Prezident Putin... O, prezident Putini məğlub edəcək. Prezident Zelenski! Mən Putini məğlub etməyə o qədər diqqət yetirmişəm ki, bundan narahat olmalıyıq”, - deyə Bayden əlavə edib və Zelenskiyə yol verib.

Səhnəyə çıxan Zelenski isə amerikalı həmkarının əlini sıxıb.

Bundan əlavə, C.Bayden ABŞ-nin vitse-prezidenti Kamala Harrisi siyasi rəqibi Donald Trampla səhv salıb.

"Bilirsiniz, əgər onun bu vəzifəyə layiq olmadığını düşünsəyidim, Trampı vitse-prezident vəzifəsinə təyin etməzdim", - deyə C.Bayden Vaşinqtonda keçirilən NATO sammitinin yekun mətbuat konfransında deyib.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin! +995557994415

---