Gürcüstan Prezidenti Salome Zurabişvili Orbel sarayında Amerika Birləşmiş Ştatlarının dövlət katibinin müavini Azra Zeya ilə görüşüb.

Gürcüstan prezidentinin administrasiyasının yaydığı bəyanata görə, Salome Zurabişvili Azra Zeya ilə Gürcüstan-Amerika münasibətləri və Gürcüstanın Avro-Atlantik inteqrasiyasını müzakirə edib.

Agentliyin məlumatına görə, Gürcüstan prezidenti vurğulayıb ki, “Gürcüstan heç vaxt rusiyayönlü olmayıb, olmayacaq, gürcü xalqının mütləq əksəriyyəti ölkənin Avropa yolunu seçir”.

Administrasiyanın məlumatına görə, söhbətdə qarşıdan gələn parlament seçkiləri, ABŞ-ın hərbi təlimləri təxirə salması və onun mümkün nəticələrinə toxunulub.

“Amerika Birləşmiş Ştatlarının dövlət katibinin müavini Gürcüstan prezidentinə ölkənin Avropa yolu ilə getməsinə görə təşəkkür edib və bir daha qeyd edib ki, onun səfəri gürcü xalqı ilə dərin tərəfdaşlığın Amerika üçün vacib olduğunun təsdiqidir və ABŞ bundan sonra da Gürcüstanın suverenliyini dəstəkləməyə davam edəcək.

Onun sözlərinə görə, Gürcüstan hökumətinin çağırışlarla dolu anti-demokratik dəyişiklikləri ölkənin Avro-Atlantik yolunu təhlükə altında qoyur ki, bu da gürcü xalqının iradəsini ifadə edir”, - məlumatda deyilir.

Azra Zeia X sosial şəbəkəsində Gürcüstan prezidenti ilə görüşə cavab verib. Onun yazdığı kimi, ABŞ-ın gürcü xalqının Avro-Atlantik istəklərinə dəstəyi sarsılmazdır:

"Mən Gürcüstan prezidenti Salome Zurabişvili ilə demokratik gələcəyin qorunması və Avro-Atlantik inteqrasiya ilə bağlı açıq fikir mübadiləsi apardım. ABŞ-ın gürcü xalqının Avro-Atlantik istəklərinə verdiyi dəstək sarsılmazdır".

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin! +995557994415

---