“Apsnipress”in məlumatına görə, qondarma Abxaziya Respublikasının Ədliyyə Nazirliyi və Repatriasiya üzrə Dövlət Komitəsi etnik abxazların (abaza) abxaz soyadlarının bərpası hüquqlarının həyata keçirilməsini təmin etmək üçün idarələrarası əməkdaşlıq proqramı imzalayıb.

Sözügedən proqramın məqsədi tarixi ədaləti bərpa etmək, abxaz xalqının tarixi-mədəni irsini, etnik kimliyini qoruyub saxlamaq, abxaz soyadlarının bərpası prosedurunu başa çatdırmaqdır.

Ədliyyə Nazirliyinin [de-fakto] mətbuat xidmətinin məlumatına görə, proqram 19-cu əsr hadisələri, Rusiya-Qafqaz və Rusiya-Türkiyə müharibələri nəticəsində abxazların ərazisini tərk etmiş etnik abxazların, qaçqınların övladlarının hüquqlarını qorumaq məqsədi daşıyır.

Sənəd qondarma Ədliyyə naziri Anri Bartsits və Dövlət Repatriasiya Komitəsinin sədri Vadim Xaraziya tərəfindən imzalanıb.