30 iyul tarixində Tbilisidə “Era Teatrı”nın yeni ofisinin açılışı olub. Açılış mərasimində Azərbaycanın Gürcüstandakı səfiri Faiq Quliyev və səfirliyin əməkdaşları, “Era Teatrı”nın əməkdaşları, siyasətçilər, mülki fəallar, gənclər və maraqlanan şəxslər iştirak ediblər.

Tədbiri giriş sözü ilə “Era Teatrı”nın bədii rəhbəri Anar Rafiqoğlu açaraq qonaqları salamlayıb və tədbir iştirakçılarına teatr haqda məlumat verib. Daha sonra Azərbaycan Respublikasının Gürcüstandakı səfiri Faiq Quliyev çıxış edib. O, çıxışında “Era Teatrı”nın fəaliyyətindən, mədəniyyət və incəsənət sahəsinin əhəmiyyətindən bəhs edərək, bu istiqamətdə fəaliyyət göstərən qurumlara hər zaman dəstək olmağa hazır olduğunu bildirib.

Səfirliyin birinci katibi Anar Rəsulov da çıxış edərək teatrın fəaliyyətini dəstəklədiklərini bildirdi və kollektivə uğurlar arzuladı.

Daha sonra teatrın əməkdaşları Süleyman Selman Canbol, İdris Elnuroğlu və Elnur Vəlizadə öz çıxışlarında gələcək hədəflərindən danışıblar. Tədbirdə İctimai Televizyanın əməkdaşı Səid Babazadənin müəllifi olduğu, “Era Teatrı”nın fəaliyyətinə həsr olunmuş sənədli film təqdim olunub.

Onu da əlavə edək ki, “Era Teatrı”nın yeni ofisinə Azərbaycan Respublikasının Gürcüstandakı Səfirliyi tərəfindən maliyyə dəstəyi göstərilib.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin! +995557994415

---