Rusiyalı müxalif siyasətçi Vladimir Kara-Murzanın sözlərinə görə, o, həbsxanada öləcəyinə əmin idi və azadlıqda olduğuna inana bilmir. O, bu barədə azadlığa çıxdıqdan sonra təyyarədə olarkən ailə üzvləri ilə telefon danışığı zamanı bildirib.

"Həbsxanada öləcəyimə əmin idim. Bunun baş verdiyinə inana bilmirəm. Düşünürəm ki, hələ də Omskdakı kameramda yatıram, səsinizi eşitdiyimə inana bilmirəm. Məncə, bu təyyarədə

16 nəfər var", – Kara-Murza bildirib.

Avqustun 2-də Ağ Ev ABŞ-Rusiya məhbus mübadiləsi sazişi çərçivəsində azad edilmiş prezident Co Bayden və onların ailə üzvləri arasında telefon danışığının videosunu yayıb. Videoda təyyarədə olan WSJ müxbiri Evan Gershkoviç, keçmiş ABŞ dəniz piyadası Pol Uilan və Kara-Murzanın danışdıqları eşidilir.

Vladimir Kara-Murza 2023-cü ilin aprelində dövlətə xəyanət və dezinformasiyaya görə 25 il müddətinə azadlıqdan məhrum edilib. O, ittihamları rədd edib və məhkəməni Stalin dövrünün məhkəmələri ilə müqayisə edib.

2023-cü ilin sentyabrında Kara-Murza Moskva təcridxanasından Sibirdəki ciddi rejimli həbsxanaya köçürüldü. Onun vəkili bildirib ki, Kara-Murza Omskdakı cəzaçəkmə koloniyasındadır və həbsxana şəraiti onun sağlamlığı və həyatı üçün təhlükəlidir.