“Gürcü arzusu”nun mətbuat xidməti Bidzina İvanişvili ilə bağlı hazırlanan istintaq materialını “xalis yalan” adlandırır, burada hakim partiyanın təsisçisinin son illərdə Rusiyada mülk əldə etdiyi bildirilir.

“İlk növbədə qeyd edirik ki, bu məqalə yalan məlumatlara əsaslanır və Bidzina İvanişvilinin artıq təsdiq etdiyi faktlar “sensasiya” və “qalmaqallı əhvalat” kimi təqdim olunur.

O cümlədən, hakim partiyanın fəxri sədrinin bir neçə ay əvvəl Rusiya Federasiyasında hansısa əmlak alması tamamilə yalandır. Heç

bir sübut olmadan belə yalanların yayılması heç bir jurnalist standartlarına uyğun gəlmir, məqalə müəlliflərinin məqsədinin nə olduğu qətiyyən aydın deyil.

1998-ci ildən sonra “Gürcü arzusu”nun yaradıcısı Rusiyada heç bir əmlak almayıb. Üstəlik, Bidzina İvanişvili və onun ailə üzvlərindən heç biri 1998-ci ildən sonra Rusiya Federasiyasına səfər etməyib”, - “Gürcü arzusunun” mətbuat xidməti qeyd edir.

“Transparency İnternational – Georgia”nın məlumatına görə, onların həmmüəllifi olduğu beynəlxalq jurnalist araşdırması nəticəsində müəyyən edilib ki, Bidzina İvanişvilinin ailəsi Moskvanın iki prestijli rayonunda iqamətgahlara və torpaq sahələrinə malikdir.

İstintaqın məlumatına görə, söhbət Sokol və Odintsovoda (İzmalkovo qəsəbəsi) yerləşən 2 fərdi yaşayış evindən gedir ki, onlardan biri 9 bitişik torpaq sahəsindən ibarət 52 749 kvadratmetr həyətyanı sahə ilə həmsərhəddir, 3 qaraj və 9 yardımçı tikilidir.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin! +995557994415

---