Gürcüstanın baş naziri İrakli Kobaxidze “xarici təsirin maraqlarını daşıyan təşkilatlar” kimi qeydiyyatdan keçən qeyri-hökumət təşkilatlarına təşəkkür edib.

O, hökumət administrasiyasında keçirilən mətbuat konfransında bildirib ki, reyestrə qeydiyyatdan keçmək üçün 450-dən çox təşkilat müraciət edib.

“Mən bu təşkilatların hər birinə cəmiyyət qarşısında vətəndaş məsuliyyətinə görə təşəkkür etmək istərdim”, - deyə İrakli Kobaxidze bildirib.

Davamlı etirazlara və beynəlxalq tərəfdaşların çağırışlarına baxmayaraq, Gürcüstan parlamenti “Agentlər haqqında” qanunu üç oxunuşda qəbul edib və mayın 28-də prezidentin vetosundan keçib. Prezident, müxalifətçi deputatlar, qeyri-hökumət və media qurumları qanundan Konstitusiya Məhkəməsinə şikayət ediblər. İş üzrə tənzimləmə iclası artıq keçirilib - ilkin mərhələdə məhkəmə məsələyə baxılana qədər qanunun fəaliyyətini dayandırıb- dayandırmadığını elan etməlidir.

“Agentlər haqqında” qanuna əsasən, maliyyə vəsaitinin 20%-dən çoxunu xarici donorlardan alan təşkilatlar sentyabrın 2-dək “Xarici dövlətin maraqlarını daşıyan təşkilatların reyestri”ndə qeydiyyatdan keçməlidirlər.

Monitorinq zamanı qurumun qanunun “meyarlarına” uyğun gəldiyi, lakin “xarici dövlətin maraqlarını daşıyan təşkilat” kimi qeydiyyatdan yayındığı aşkarlanıbsa, qurum onu reyestrdə qeydiyyata alacaq. Tapılan və qeydiyyata alınmayan “xarici maraq daşıyıcısı” 25 min lari məbləğində cərimələnəcək.