Marneuli Televiziyasının sahibi yenidən Zaza Babluani olub. Babluani “Marneuli” radiosuna bildirib ki, televiziyanın sahibi yenidən odur.

Marneuli Televiziyasının sahibi 60 gün ərzində Tornike Çabaloşvili idi. 2000-ci il təvəllüdlü Çabaloşvili Marneuli Bələdiyyə Məclisinin üzvü Vasil Xaxulaşvilinin bacısı oğludur. O, 2024-cü ilin 8 iyul tarixində Marneuli Televiziyasının sahibi olub – Televiziyanı Zaza Babluanidən alıb. 2024-ci ilin 4 sentyabr tarixində televizyanın sahibi yenidən Babluani olub.

“Marneuli” radiosu Marneuli Televiziyasının sahibi ilə əlaqədar dəyişikliklə bağlı 4 sentyabr tarixində, saat 16:27-də məqalə yayımlayıb. Kommersiya və qeyri-kommersiya hüquqi şəxslər reyestrində sahibi ilə bağlı dəyişiklik həmin gün, saat 17:29-da qeydə alınıb.

Marneuli Televiziyasının sahibi bu il artıq üçüncü dəfədir dəyişib. Teleşirkəti 2 aprel tarixində Zaza Babluani Şalva Şubladzedən alıb. Nəticədə Zaza Babluani Zviad Keçağmadze ilə birlikdə teleşirkətə rəhbərlik edirdi.

Televiziyanın veb-səhifəsindəki məlumata görə, Marneuli Televizyası “Marneuli TV” MMC 2006-cı ilin 1 iyun tarixində təsis edilib. Televiziya Marneulidə MMC olaraq qeydiyyatdan keçənə qədər də fəaliyyət göstərirdi. Televiziyaya 25 il ərzində Şalva Şubladze rəhbərlik edirdi.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin! +995557994415

---