Müxalifətin təşkilatçılığı ilə noyabrın 4-də saat 19:00-da Tbilisinin Rustaveli prospektində parlament seçkilərinin nəticələrinə etiraz edəcəkləri aksiya keçiriləcək.

Müxalifət aksiyanı bir neçə gün əvvəl elan edib. Güclü Gürcüstan koalisiyasının lideri Anna Dolidzenin sözlərinə görə, bugünkü mitinqdə müxalifətin fəaliyyət planı açıqlanacaq.

“Bizim əsas vəzifəmiz bu seçkilərin qeyri-legitim kimi tanınması üçün mübarizə aparmaqdır, biz əvvəlki kimi tərəfdaşlarımızla işimizi davam

etdiririk və ən əsası bazar ertəsi saat 19:00-da Rustavelidə görüşəcəyik və orada sizə fəaliyyət planını təfərrüatı ilə, necə, daxildə və ya xaricdə, qanuna uyğun olaraq, ədalətli, lakin mütəşəkkil və təsirli bir şəkildə davam etdirəcəyimizi açıqlayacağıq", - deyə Anna Dolidze bildirib.

Noyabrın 1-də Dəyişikliklər Koalisiyasının liderlərindən biri Nika Qvaramia sosial şəbəkələrdə orta və böyük ölçülü çadırları olan abunəçilərə müraciət edərək ona cavab verməyə çağırıb.

“Orta və böyük ölçülü çadırlarınız varsa, bizə bildirin, bizə hədiyyə etsəniz - sevinəcəyik, satsanız – yenə də xoşbəxt olacağıq.

p.s. Mən heç nəyi gizlətmək fikrində deyiləm. Bundan sonra hər şeyə açıq olacam. DTX da mənim vecimə deyil, prokurorluq da polis də və Rajdeni də”, - Qvaramia yazıb.

Həmin gün başqa bir müxalifət partiyasının - “Qaxariya Gürcüstan naminə” üzvü, Natia Mezvrişvili deyib ki, onların tərəfdarlarının çadırlara girəcəyini düşünmür.

“Amma seçicilərimiz qərar versələr ki, mitinqlərdə olmalıyıq, biz təbii olaraq seçicilərimizin istəyini yerinə yetirəcəyik və əvvəlki mitinqdə də belə oldu – biz gəldik”, - Natia Mezvrişvili bildirib.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin! +995557994415

---