Marneuli Bələdiyyə Məclisi 2025-ci il üçün büdcə layihəsini yayımlayıb. Büdcə layihəsinə əsasən, 2025-ci ildə 2024-cü illə müqayisədə Meriya və Bələdiyyə Məclisi işçilərinin əməkhaqqı üçün ayrılan məbləğ artırılıb, sosial proqramlar, təhsil, təmizlik, ətraf mühitin mühafizəsi, infrastrukturun inkişafı üçün ayrılan vəsait isə azaldılıb.

2025-ci ildə Marneuli Bələdiyyəsinin büdcəsində işçilərin əməkhaqqı üçün 9 318 800 lari nəzərdə tutulub ki, bu da əvvəlki ilin xərcləri ilə müqayisədə 1 009 900 lari çoxdur – 2024-cü ildə işçilərin maaşlarına 8 308 900 lari ayrılmışdı.

2025-ci ilin büdcə layihəsinə əsasən, sosial proqramlara 3 200 000 lari ayrılıb ki, bu da 2024-cü ilin büdcəsində nəzərdə tutulan məbləğdən 649 400 lari azdır.

Sosial proqramlara büdcəsi 1600 lari azaldılan xəstələrin sosial müdafiəsi və 2024-cü illə müqayisədə büdcənin 642,8 min lari azaldıldığı ailələrin və uşaqların sosial müdafiəsi daxildir.

2025-ci ilin büdcəsində təhsilə 7 072 000 lari, 2024-cü il büdcəsində isə 7 868 400 lari ayrılmışdı –buradan 1 668 900 lari dövlət büdcəsindən ayrılıb. 2025-ci ilin büdcə layihəsində dövlət büdcəsindən təhsilə neçə lari ayrılacağı göstərilməyib.

Gələn ilin büdcəsində təmizlik və ətraf mühitin mühafizəsi üçün ayrılan vəsait də azaldılıb. 2025-ci ilin büdcəsinə 4 615 000 lari, 2024-cü ilin büdcəsinə isə 4 995 400 lari nəzərdə tutulub.

2024-cü illə müqayisədə 2025-ci ilin büdcəsində infrastrukturun inkişafına ayrılan vəsait 19 065 100 lari azalıb. 2024-cü il büdcəsinə əsasən, infrastrukturun inkişafı üçün 38 006 100 lari – yerli büdcədən 23 738 700 lari, mərkəzi büdcədən isə 14 267 400 lari ayrılmışdı.

2025-ci ilin büdcə layihəsinə əsasən, infrastrukturun inkişafı üçün 18 941 000 lari ayrılıb. 2025-ci ilin büdcə layihəsində infrastrukturun inkişafı üçün dövlət büdcəsindən nə qədər lari ayrılacağı göstərilməyib.

Marneuli Bələdiyyə Məclisi büdcə layihəsini 7 noyabr tarixində ictimai müzakirələr üçün yayımlayıb. Vətəndaşlar büdcə layihəsinə təkliflərini 25 noyabra qədər verə biləcəklər.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin! +995557994415

---