Etiraz aksiyasına Marneuli də qoşuldu. Bu gün, 4 dekabr tarixində Kvemo Kartlinin müxtəlif bələdiyyələrinin hüquq müdafiəçiləri, ictimai təşkilat nümayəndələri, məktəblilər, mülki fəallar və müxalifət partiyalarının nümayəndələri Marneuli 22 saylı Dairə Seçki Komissiyasının binası ərazisində, meriya binasının yaxınlığında toplaşdılar.

Aksiya iştirakçıları ölkənin Avropaya inteqrasiya yolundan dönməsinin onlar üçün qəbuledilməz olduğunu bildirdilər.


Artıq 7 gündür ki, bütün Gürcüstanda etiraz aksiyaları keçirilir. Hökumət tərəfindən Avro-Atlantik kursun dəyişməsi ilə əlaqədar genişmiqyaslı aksiyaların əsas mərkəzi Tbilisinin Rustaveli prospektidir. Bununla yanaşı, bölgələrdə də aksiyalar keçirilir.

• Dmanisi;
• Rustavi;
• Bolnisi;
• Batumi;
• Kobuleti;
• Çxorotsku;
• Xaşuri;
• Zuqdidi;
• Axaltsixe;
• Qori;
• Kutaisi;
• Telavi və s.

Aksiyaya universitet və məktəb tələbələri, müəllimlər, lektorlar da qoşulub. Bəzi dövlət məmurları da “Gürcü Arzusu”-nun qərarı ilə razılaşmayaraq bəyanatlar yayıblar. Bir neçə əməkdaş Daxili İşlər Nazirliyini tərk edib. Həmçinin, müxtəlif ölkələrdəki səfirlər istefa verib.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin! +995557994415

---