Kutaisi Apellyasiya Məhkəməsi vəkillərin Mzia Amağlobeli barəsində
həbs-qətimkan tədbiri seçilməsinə etiraz edərək qaldırdıqları
iddianı qəbuledilməz elan edib.
Mzia Amağlobelinin vəkillərindən biri Paata Diasamidzenin sözlərinə
görə, vəkillər hələ də öz əsaslandırmalarını məhkəməyə təqdim
etməyiblər.
“Biz mübahisəni necə davam etdirəcəyimizi müzakirə
edəcəyik”, - Paata Diasamidze bildirib.
Yanvarın 14-də Batumi Şəhər Məhkəməsi Mzia Amağlobeli barəsində
həbs qətimkan tədbiri seçilib. Hakim
Nino İsmaşvili qərarı elan
edib.
Yanvarın 16-da dövlət müdafiəçisi Mzia Amağlobeli barəsində həbs
qətimkan tədbirinin tətbiqi ilə bağlı Kutaisi Apellyasiya
Məhkəməsinə dost rəyi (Amicus Curiae) verib.
Sənəddə qətimkan tədbiri kimi istifadə edilən azadlıqdan məhrum
etmənin əsaslandırılmasındakı çatışmazlıqlardan bəhs edilir və
insan hüquqları standartlarının təhlilinə əsaslanaraq, insanın
azadlığının yalnız mücərrəd və potensial təhlükələrə əsaslanan bu
cür intensiv məhdudlaşdırılmasının yolverilməz olduğu
vurğulanır.
Ombudsman Aparatının fikrincə, prokuror daha az ciddi həbs-qətimkan
tədbirinin tətbiqinin nə üçün məqsədəuyğun olmadığını düzgün
əsaslandırmayıb, xüsusən də müraciətə əsasən, müdafiə tərəfi
kifayət qədər böyük məbləğdə girov ödəməyə hazır olduğunu
bildirib.
Xalq Müdafiəçisinin ofisinin qeyd etdiyi kimi, Batumi Şəhər
Məhkəməsinin qərarında məhkəmənin müdafiə tərəfinin təqdim etdiyi
təklifə adekvat cavab vermədiyi və daha yüngül qabaqlayıcı tədbirin
tətbiqi məsələsini lazımi əsaslandırmadan tərk etdiyi
açıqlanıb.
Gürcüstan Gənc Hüquqşünaslar Assosiasiyasının [GGHA] sədri Nona
Kurdovanidze dünən, yanvarın 20-də bildirib ki, Kutaisi Apellyasiya
Məhkəməsi Mzia Amağlobelinin barəsində seçilmiş həbs-qətimkan
tədbirini dəyişdirməsə, onun vəkilləri Strasburqa müraciət
edəcəklər. Mətbuat konfransında Nona Kurdovanidze bildirib ki, Mzia
Amağlobeli yemək yox, yalnız su qəbul edir və bu onun etiraz
formasıdır.
GGHA həmçinin bəyanat yayıb ki, “Batumelebi” və “Netgazeti”nin
təsisçisi Mzia Amağlobelinin həbsi və cinayət təqibi qanunsuzdur və
siyasi repressiya təşkil edir.
Bizi Teleqramda izləyin! Yeni xəbərlər anında kanalda!
Linkə daxil olub
abunə olun!
Bizi WhatsAppda izləyin! Yeni xəbərlər anında kanalda!
Linkə daxil olub
abunə olun!
Digər maraqlı xəbərlər
"Marneuli" radiosunun
Facebook səhifəsində.
Bizi
"Telegram"da
izləyin.
Şahidi olduğunuz hadisələri çəkib bizə göndərin!
+995557994415