ABŞ fevralda Ukraynada müharibəyə son qoymaq planını təqdim edə bilər. – Bu barədə Bloomberg yazır.

Nəşrin yazdığına görə, ABŞ müttəfiqləri Donald Tramp administrasiyasının gələn həftə Münhen Təhlükəsizlik Konfransında Rusiya və Ukrayna arasında “müharibəyə son qoymaq planı”nı təqdim edəcəyini gözləyirlər.

Nəşr anonim mənbələrə istinadən yazır ki, müharibənin dayandırılması planını, çox güman ki, Münhen konfransında iştirak edəcək Trampın Ukrayna üzrə xüsusi nümayəndəsi Keyt Kelloq təqdim edəcək.

Mənbələr planın müzakirəsinin nə dərəcədə təfərrüatlı olacağını və onun hansı formatda keçiriləcəyini dəqiqləşdirməkdən imtina ediblər. Mənbələr deyir ki, təklif olunan planın elementlərinə aşağıdakılar daxildir:

Münaqişənin potensial olaraq dondurulması və Rusiya tərəfindən işğal olunmuş ərazilərin statusunun qeyri-müəyyən qalması, həmçinin Ukraynaya dəqiqləşdirilməmiş təhlükəsizlik zəmanətlərinin verilməsi.

Nəşrin qeyd etdiyi kimi, Kelloq Münhen Təhlükəsizlik Konfransında iştirak etməyi və “ABŞ ilə əməkdaşlığa hazır olan Amerika müttəfiqləri ilə görüşməyi” planlaşdırdığını təsdiqləyib.

Daha əvvəl Trampın xüsusi nümayəndəsi bildirib ki, ABŞ-ın Ukraynadakı müharibəni bitirmək üçün artıq “yaxşı, möhkəm planı” var.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin! +995557994415

---