Gürcüstanın Milli Statistika Xidmətinin dərc etdiyi məlumata görə, 2024-cü ilin IV rübündə ölkədə orta nominal aylıq əməkhaqqı 2 217,5 lari təşkil edib, bu da illik müqayisədə 8,5% artım deməkdir.

Bu məbləğdən gəlir vergisi (20%) tutulur, yəni 2024-cü ilin dördüncü rübündə işçilərin əlinə keçən orta əməkhaqqı 1 773 lari olub. Başqa sözlə, orta əməkhaqqından ayda təxminən 443 lari gəlir vergisi tutulur.

Sektorlar üzrə orta maaşlar

Ən yüksək maaş alan sahələr arasında:

• İnformasiya və kommunikasiya sektoru (o cümlədən IT sahəsi) – 4 008,3 lari (illik 7% azalma)
• Maliyyə və sığorta fəaliyyəti – 3 373,5 lari (8,5% artım)
• Tikinti sektoru – 3 361,8 lari (9,8% artım)
• Peşəkar, elmi və texniki fəaliyyətlər – 3 259,1 lari (11,6% artım)

Gender fərqləri üzrə maaşlar

• Qadınların orta maaşı – 1 778,5 lari
• Kişilərin orta maaşı – 2 653,8 lari

İllik maaş artımı:

• Qadınlar üçün – 10,7% (+171,2 lari)
• Kişilər üçün – 7,7% (+189,9 lari)

Bütün fəaliyyət sahələrində kişilərin orta maaşı qadınların maaşını üstələyir.
Biznes və dövlət sektoru üzrə maaşlar

• Biznes sektorunda maaş 7,8% (170,8 lari) artaraq 2 367,0 lariyə çatıb. Bu sektorda ən yüksək maaş "İnformasiya və kommunikasiya" sahəsində (4 078,2 lari) qeydə alınıb, lakin bu sahədə illik 7,7%-lik azalma var.
• Dövlət və qeyri-kommersiya sektorunda orta maaş 10,7% (189,7 lari) artaraq 1 955,4 lari olub. Burada ən yüksək maaş maliyyə və sığorta sektorundadır.

Regionlar üzrə maaş fərqləri

• Tbilisi ən yüksək orta maaş səviyyəsinə malikdir – 2 583 lari.
• Ən aşağı maaş Raça-Leçxumi və Kvemo Svaneti bölgəsindədir – 1 060 lari.