Marneuli bələdiyyəsi 26 May küçəsində səkinin tikintisinə 2 308 312 lari xərcləməyi planlaşdırır. Marneuli bələdiyyəsi 17 martda mərkəzi meydandan “Yenə də böyüyəcəklər” parkına qədər olan səkilərin qurulması üçün tender elan edib.

“Layihdə qeyd olunduğuna görə piyada səkilərinin ümumi uzunluğu (mövcud yolun hər iki tərəfində) 4 223 metrdir. Layihə sahəsində səkilərin mövcud örtüyü müxtəlifdir (qum örtüyü, asfalt beton,

plitələr). Mövcud səkilərdə uzun müddət təmir işləri aparılmayıb, buna görə də həm səkilərin hərəkət hissəsi, həm də bordyurlar zədələnib. Həmçinin, fiziki imkanları məhdud şəxslərin istifadə etməsi üçün uyğun panduslar quraşdırılmayıb və s.”, – layihə təklifində qeyd olunub.

Marneuli bələdiyyəsi tərəfindən elan olunmuş tender layihəsində qeyd olunur ki, layihənin məqsədi mövcud cığır və səkilərin təmiridir. Layihədə yeni bordyurların, böyük bordyurların, həmçinin pandusların qurulmasını nəzərdə tutulur. Layihəyə əsasən, səkilər fiziki imkanları məhdud şəxslərin istifadəsi üçün uyğunlaşdırılmalıdır.

Marneuli şəhərində 26 May küçəsində səkinin qurulması üçün elan edilmiş tenderdə iştirak etmək istəyən şəxslər 2 apreldən 7 aprelə qədər müraciət edə bilərlər. Tender təklifinə əsasən, qalib şirkət işləri müqavilənin bağlanmasından sonra 450 gün ərzində tamamlamalıdır.

Layihənin həyata keçirilməsi üçün 2 308 312 lari ayrılıb. Bu məbləğ tamamilə Marneuli bələdiyyəsinin yerli büdcəsindən xərclənəcək.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin! +995557994415

---