“Gürcü Arzusu”nun törəmə təşkilatı olan "Xalqın Gücü" hərəkatının üzvü Sozar Subar, Avropa İttifaqı ilə vizasız rejimin ləğv olunmasını istisna etmir. Subar bu barədə “Radio Sifrzisa” proqramında qonaq olarkən danışıb.

“Bu mümkündür”, – deyə Subar əlavə edib.

Mövzu “Azad Avropa Radiosu”nun redaktoru Rikard Yozvyakın məlumat yaymasından sonra aktuallaşıb. Yozvyak bildirib ki, Avropa İttifaqı bir neçə ay ərzində yeni qanunvericilik qəbul edəcək, bu isə Brüsselə vizasız rejimi asanlıqla dayandırmaq imkanı verəcək – o ölkələrlə ki, Aİ ilə belə bir razılaşmaları var.

Sozar Subar vizasız rejimin dayandırılması ehtimalını “Gürcü Arzusu”nun təbliğat tezisləri ilə əvvəlcədən əlaqələndirib – guya Avropada kimlərsə Tbilisidən “vassallıq” tələb edir. O, belə bir sual qoyub:

"Əgər vizasız rejim ləğv olunarsa, gürcülər seçim etməlidirlər: vizasız rejim, yoxsa Gürcüstanın qorunub saxlanılması?"

Halbuki, “Gürcüstanın qorunması” ilə Avropa İttifaqının qəbul etməyə hazırlaşdığı yeni qaydalar arasında heç bir əlaqə yoxdur.

Yenilənmiş mexanizmə əsasən, Aİ-nin vizasız rejimi dayandırmaq üçün aşağıdakı yeni əsasları olacaq:

• Əgər Aİ-yə qonşu ölkə vizalarla bağlı Aİ-nin tətbiq etdiyi qaydalara əməl etmirsə və bu, Aİ-yə artıq sayda insanın axınına səbəb olursa, xüsusilə də həmin ölkə coğrafi baxımdan Aİ-yə yaxınsa;
• İnvestor vətəndaşlığı proqramları fəaliyyət göstərirsə – yəni əvvəlcədən müəyyən edilmiş ödəniş və ya investisiya müqabilində vətəndaşlıq verirlərsə;
• Hibrid təhlükələr, eləcə də sənəd təhlükəsizliyi ilə bağlı
  qanunvericilik və prosedur boşluqları mövcuddursa.

Bundan əlavə, Aİ hər hansı bir ölkə ilə xarici münasibətləri qəfil pisləşərsə, xüsusilə insan haqları və əsas azadlıqlarla bağlı sahələrdə, vizasız rejimi dayandırmaq hüququna sahib olacaq.

Avropa İttifaqı ilə “Gürcü Arzusu” hökuməti arasında münasibətlər o vaxt gərginləşdi ki, Gürcüstan Aİ-dən namizəd statusu alsa da, hökumət represiv “rus qanunu”nu (xarici agentlər haqqında qanun layihəsi) qəbul etdi və etiraz aksiyalarını dağıtdı.

Həmin dövrdə onlarla şəxsə fiziki təzyiq göstərildi, müxalifətçi fəallar və liderlər evlərinin yaxınlığında izlənilərək hücuma məruz qaldılar.

Bundan sonra, ötən ilin payızında Aİ Gürcüstanla danışıqların başlanmasını rədd etdi, buna cavab olaraq “Gürcü Arzusu” birtərəfli qaydada Aİ ilə inteqrasiya prosesini dayandırdı, ardınca bir sıra represiv qanunlar qəbul etdi, müxalifətin qadağan olunmasını və tənqidi QHT-lər və medianın sərt şəkildə məhdudlaşdırılmasını elan etdi.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin! +995557994415

---