Sakstat-ın ilkin qiymətləndirməsinə görə, 2025-ci ilin mart ayında, ötən ilin eyni dövrü ilə müqayisədə, real Ümumi Daxili Məhsul (ÜDM) 9% artıb, birinci rüb üzrə orta real artım isə 9.3% təşkil edib.

Mart ayında artım istiqamətində əhəmiyyətli töhfə aşağıdakı sahələrin payına düşür:

• İnformasiya və kommunikasiya,
• Peşəkar, elmi və texniki fəaliyyətlər,
• Maliyyə və sığorta fəaliyyəti,
• Nəqliyyat və anbar təsərrüfatı,tikinti.

Emal sənayesi sektorunda isə azalma tendensiyası müşahidə olunub.

Sakstat iqtisadi artımı hər ay ilkin olaraq qiymətləndirir. Bu qiymətləndirmə sahəvi statistika — ƏDV ödəyicisi olan müəssisələrin dövriyyəsi, fiskal və monetar məlumatlar — əsasında aparılır. Aylıq məlumatların mövcud olmadığı sahələrdə (məsələn, kənd təsərrüfatı, müşahidə olunmayan iqtisadiyyatın həcmi) qiymətləndirmə əvvəlki dövrlərin məlumatlarına əsasən həyata keçirilir.