2025-ci ilin ilk rübündə Gürcüstandan kartof ixracı rekord həddə çatıb. Sakstat-ın (Gürcüstanın Statistika İdarəsi) rəsmi məlumatına görə, yanvar-mart aylarında ölkə 43 465 ton kartof ixrac edərək 13 milyon 461 min ABŞ dolları gəlir əldə edib. Halbuki, ötən ilin eyni dövründə təzə və köhnə kartofun ixracı cəmi 1 077 ton çatmışdır. Bunun da dəyəri 358 min dollar olmuşdu.

Gürcüstandan kartof ixracı ilin bu vaxtında rekord həddə 3652% çatıb. Qeyd edək ki, bu 3 ay ərzində əldə olunan ixrac gəliri artıq 2024-cü ilin bütöv göstəricilərini də geridə qoyur. Ötən il ərzində 7.5 milyon dollar dəyərində 35 002 ton kartof ixrac edilmişdi.

Bundan əlavə, 2025-ci ilin əvvəlində ixrac coğrafiyası da genişlənib. Ən çox kartof Rusiya və Azərbaycan bazarlarına göndərilib. Müqayisə üçün qeyd edək ki, ötən ilin ilk rübündə Gürcüstan yalnız Azərbaycana kartof satmışdı.

2025-ci ilin yanvar-mart aylarında Gürcüstandan kartof ixrac edilən ölkələr:

• Rusiya – 10.1 milyon dollar, 25 705 ton
• Azərbaycan – 2.6 milyon dollar, 14 528 ton
• Ermənistan – 521 min dollar, 2 447 ton
• Qazaxıstan – 84 min dollar, 394 ton
• Türkmənistan – 47 min dollar, 239 ton
• Moldova – 18 min dollar, 129 ton
• Özbəkistan – 4 min dollar, 22 ton

Məlumat üçün bildirək ki, 2024-cü ildə Gürcüstanda ümumilikdə 221 100 ton kartof istehsal olunub ki, bu da 2023-cü illə müqayisədə 12.1% çoxdur. Orta məhsuldarlıq isə hektara 15 ton təşkil edib və əvvəlki illə müqayisədə 3.4 ton artıb.

İdxala gəlincə, 2025-ci ilin ilk rübündə Gürcüstan 894 min dollar dəyərində 2 277 ton kartof idxal edib. Bu göstərici dəyər baxımından ötən ildən bir qədər çox olsa da, miqdar baxımından azdır (2024-cü ilin ilk rübündə: 817 min dollar, 2 605 ton).

Kartof əsasən bu ölkələrdən idxal edilib:

• Türkiyə – 452 min dollar, 1 807 ton
• Almaniya – 224 min dollar, 176 ton
• Misir – 127 min dollar, 196 ton
• Niderland – 85 min dollar, 75 ton
• Özbəkistan – 5 min dollar, 22 ton

2024-cü il ərzində Gürcüstana ümumilikdə 2 milyon 411 min dollar dəyərində 6 493 ton kartof idxal olunub. Bu göstəricilər 2023-cü ilin nəticələrindən xeyli aşağıdır (7.7 milyon dollar, 23 210 ton).

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin! +995557994415

---