Türkiyə mediası maraqlı tibbi hadisə haqqında yazır – bu hadisə Konyada baş verib.

67 yaşlı Rəhmi Karademir adlı kişi insult keçirdikdən sonra Konyada yerləşən universitet klinikasında tibbi müdaxilədən sonra qəfil danimarka dilində danışmağa başlayıb. O, uzun illər bu dildən istifadə etməmişdi və eyni zamanda öz ana dili olan türk dilini tamamilə unutmuşdu.

Kişi 20 il boyunca Danimarkada yaşamış, sonra isə Konyaya köçmüşdü, lakin uzun müddət danimarka dilində danışmamışdı.

Aprelin ortalarında ona ortopedik şöbədə diz əməliyyatı aparılıb, əməliyyatdan iki gün sonra isə sağ əli və ayağı qəfil hərəkətsizləşib və nitqi pozulub. Diaqnostikadan sonra məlum olub ki, onun beyninin sol tərəfində əsas arteriyalardan biri qan laxtası ilə tutulubmuş.

Trombun çıxarılmasından sonra pasiyentin nevroloji simptomları sürətlə keçib, lakin o, danimarka dilində danışmağa başlayıb.

“Pasiyent artıq türk dilində danışa bilmirdi, lakin sərbəst şəkildə danimarka dilində danışırdı. Biz düşünürdük ki, bu dili unutmuşdu. Tibbi ədəbiyyatda nadir hallarda təsvir olunur ki, çoxdilli insanlar insultdan sonra bir dili itirirlər, digər bir dil isə qəfil aktivləşir,” –"Anadolu" nəşri klinikanın həkimi, professor Gökhan Özdemirdən sitat gətirib.

Həkimin sözlərinə görə, gözlənilir ki, pasiyent yaxın vaxtlarda türk dilini tam bərpa edəcək.

Rehmi Karademirin oğlu bildirib ki, atası uzun illər danimarka dilində danışmamışdı:

“Danimarka dilində danışmağa başlayanda şoka düşdük. O, türk dilini başa düşür, amma danışa bilmir.”
“Türkcəni başa düşürəm, amma danışa bilmirəm. Sözləri yadda saxlamağa çalışıram, yaddaşımı zorlayıram. Ümid edirəm, hər şey tezliklə keçəcək. Danimarka dili beynimdədir, amma türkcəni ümumiyyətlə xatırlamıram,” - Rehmi Karademir vəziyyəti oğluna tərcüməçi vasitəsilə belə izah edib.