Qardabani və Dmanisi bələdiyyələri Gürcüstanın Müstəqillik Günü ilə bağlı tədbirlərin təşkili üçün tender elan ediblər.

Dmanisi meriyası həm 26 May – Müstəqillik Günü, həm də 1 İyun – Uşaqların Beynəlxalq Müdafiəsi Günü münasibətilə tədbirlərin təşkili üçün ümumi dəyəri 30 120 lari olan tender keçirib.

Üç iştirakçı arasında keçirilən tenderin qalibi Manana Alborov olub. Onunla imzalanan müqaviləyə əsasən, meriya bu tədbirlərin həyata keçirilməsinə 24 097 lari xərcləyəcək.

Qardabani meriyası isə yalnız Müstəqillik Günü münasibətilə tədbir təşkil etmək üçün 37 130 lari dəyərində tender elan edib.

Tədbirin keçirilməsi çərçivəsində Qamarcveba, Kumisi/Teleti, Sartiçala, Martkopi, Axalsopeli, Vaziani, Norio və Krtsanisi kəndlərindən nəqliyyat xidmətləri göstərilməlidir. Proqrama solo ifaçının çıxışı, nağaraçıların şou proqramı və atəşfəşanlıq daxildir.

Hazırda Kvemo Kartli bölgəsinin digər bələdiyyələri və özünüidarəetmə şəhərləri 26 May münasibətilə tender elan etməyiblər.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin! +995557994415

---