Həbsdə olan sabiq prezident Mixeil Saakaşvili, İrakli Kobaxidzenin Donald Trampa və Cey Di Vensə göndərdiyi açıq məktuba münasibət bildirib və deyib ki, məktubun əsl adresat əslində Moskvadır.

Saakaşvilinin sözlərinə görə, “Gürcü Arzusu” 2012-ci ildən bəri anti-Amerika kursu həyata keçirir və bunun əksini deyən ya yalan danışır, ya da özünü aldadır.

O, Facebook-da yazıb:

“Bu günlərdə səslənən sadəlövh şərhlərə təəccüblənirəm – guya Kobaxidze vasitəsilə İvanişvili Trampdan nəsə xahiş edir. Əslində, İvanişviliyə Tramp administrasiyası münasibətlərin normallaşdırılması üçün hansı şərtləri irəli sürdüyünü dəqiq bilir. Bu şərtlər arasında bütün siyasi məhbusların azad edilməsi də var.”

Saakaşvili əlavə edib:

“Əslində bu məktub Moskva üçün yazılıb və Trampa deyil, Moskvaya ünvanlanıb. Diplomatik münasibətlərin bərpasına və sonrasında Gürcüstanın tam ilhaqına hazırlıq gedir.”


Qeyd edək ki, “Gürcü Arzusu” hökumətinin rəhbəri İrakli Kobaxidze 13 mayda Facebook səhifəsində ABŞ-ın keçmiş prezidenti Donald Trampa və vitse-prezident Cey Di Vensə açıq məktub ünvanlayıb.

Kobaxidze məktubda bildirir ki:

• “Gürcüstan regionumuzda ABŞ-ın ən etibarlı tərəfdaşıdır”;
• “Tramp administrasiyasının Gürcüstanla bağlı səssizliyini izah edə bilmirik”;
• “Gürcü Arzusu” komandasının üzvlərinə tətbiq olunan sanksiyaları “anlaşılmaz” adlandırır;
• ABŞ Konqresinin Nümayəndələr Palatası tərəfindən qəbul edilən “Dostluq Aktı”nı isə “absurd qanun” adlandırır.

Saakaşvili həmçinin 13 mayda da bu məktuba münasibət bildirərək yazıb:

“Bu, siyasi rəqibləri, o cümlədən postsovet məkanında Donald Trampın yeganə şəxsi dostunu, haqsız yerə həbsdə məhv edən diktaturadır.”

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin! +995557994415

---