Gürcüstanın beşinci prezidenti Salome Zurabişvili Praqada keçirilən GLOBSEC beynəlxalq təhlükəsizlik forumunda iştirak edir.

Forum çərçivəsində Salome Zurabişvili Çexiya prezidenti Petr Pavel və Fransanın Avropa məsələləri üzrə naziri Benyamin Hadad ilə görüşüb.

Zurabişvilinin mətbuat xidmətinin məlumatına görə, o, Çexiya prezidentilə və Fransanın Avropa naziri ilə görüşlər zamanı Gürcüstanda baş verən hadisələr, “Gürcü Arzusu”nun həyata keçirdiyi kütləvi repressiyalar, siyasi fiqurların həbs olunması, yüksək məbləğli cərimələr və “Gürcü Arzusu”nun xarici siyasət kursu və siyasəti ilə razılaşmayan cəmiyyət nümayəndələrinə qarşı kütləvi cərimələmələr haqqında danışıb.