Parlament üzvü Nino Tsilosani 2024-cü ildə övladlarına və valideynlərinə böyük məbləğdə pul hədiyyə edib. O, mülkiyyət bəyannaməsində özü qeyd edir ki, böyük oğluna 15 820 funt-sterlinq, kiçik oğluna isə 46 850 ABŞ dolları bağışlayıb. Onunla birlikdə yaşayan üçüncü övladının isə təhsil haqqı – 15 646 lari məbləğində vəsait ödənilib.

O, hədiyyəsiz valideynlərini də qoymayıb – bəyannaməyə əsasən, Tsilosani 2024-cü ildə valideyninə 250 000 lari hədiyyə edib. Beləliklə, deputat bu il ərzində demək olar ki, yarım milyon lari dəyərində vəsaiti hədiyyə kimi verib.

Nino Tsilosani sonuncu mülkiyyət bəyannaməsini 2025-ci il yanvarın 28-də doldurub, bu da o deməkdir ki, sənəddə 2024-cü ilin məlumatları əks olunub.

Səfər xərcləri
Deputat bəyannamədə göstərir ki, ötən il Gürcüstanda, Portuqaliyada və ABŞ-da səyahətdə olub. O, Portuqaliyaya səfər üçün 7125 lari, ABŞ-a səfər üçün 6000 lari, ölkədaxili səfərlər üçün isə 6115 lari xərcləyib – ümumilikdə bu məbləğ 19 240 lari təşkil edir.

2024-cü ildə alınmış əmlak
Tsilosani 2024-cü ildə Tbilisinin Zaldastani küçəsində ev və qaraj alıb, bu əmlaklar üçün ümumilikdə 470 000 ABŞ dolları ödəyib. Evin sahəsi 190.5 kv.m, qaraj isə 17.7 kv.m-dir. Bundan əlavə, o, 2024-cü ilin dekabrında Mosasşili küçəsində 162.82 kv.m-lik kommersiya sahəsi qeydiyyatdan keçirib. Bəyannaməyə əsasən, bu əmlak 2018-ci ildə bağlanmış müqavilə əsasında alınıb.

Əvvəllər əldə olunmuş əmlak
2023-cü ildə Tsilosani Tbilisinin Dadiani küçəsində 82.9 kv.m-lik kommersiya sahəsi alıb, lakin qeyd edir ki, bu əmlak 2011-ci ildə alınıb. O, həmçinin Kvishxeti küçəsində yerləşən, sahəsi 182.75 kv.m olan qeyri-yaşayış sahəsini də orta mülkiyyət formasında alıb. Bu iki əmlaka birlikdə 140 000 lari xərclənib.

O, həmçinin 2009-cu ildə dənizə yaxın ərazidə, Ureki qəsəbəsində 409 kv.m-lik torpaq sahəsini 40 000 lariyə alıb. Tsilosani Tbilisinin Tamaraşvili küçəsində sahəsi 224.7 kv.m olan mənzilə də sahibdir – bu mənzilin də 2009-cu ildə alındığı qeyd olunub.

Yeni avtomobil
2024-cü ildə Tsilosani 95 000 ABŞ dolları ödəyərək LAND ROVER DEFENDER markalı avtomobil alıb.

Hesablar və əmanətlər
Bəyannamə təqdim olunan zaman deputatın 70 000 lari və 100 000 ABŞ dolları məbləğində əmanəti olub.

Nino Tsilosaninin ABŞ və digər şirkətlərdəki payları
Nino Tsilosaninin ABŞ-da qeydiyyatdan keçmiş “US Trading Company” adlı şirkətindəki 25% pay keçmiş həyat yoldaşı Vladimir Abuladzenin adına olub. Abuladze həmçinin Çexiyada təsis edilmiş “S.R.O Almitrans” şirkətinin də 25%-nə sahibdir. “TV Pirveli”nin məlumatına görə, Tsilosani bu Amerika şirkəti vasitəsilə Gürcüstanda istehsal olunan geyimləri xaricə satır.

O, həmçinin “Mkurnali 2022” MMC-nin 52%-nə sahibdir və bu şirkətdən ötən il 70 886 lari gəlir əldə edib. Tsilosaninin “Enduo-Koncepts” MMC-də 23%, “Enduo” MMC-də isə 10% payı var.

Əmək haqqı ilə bağlı bəyannamədə qeyd olunur ki, o, 2024-cü ildə maaş kimi 60 096 lari alıb, ondan əlində qalan məbləğ 56 208 lari təşkil edib. O, icarəyə verilmiş əmlaklardan isə ümumilikdə 228 887 lari gəlir əldə edib.

Bəyannaməyə əsasən, deputatın banklara kredit borcu da var.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin! +995557994415

---