“Batumelebi və Netgazeti”nin təsisçisi və direktoru Mzia Amağlobelinin, eləcə də Gürcüstanda media azadlığının vəziyyəti ilə bağlı bu gün

Avropa Parlamentində qətnamə səsverməyə çıxarılıb. 324 Avropa Parlamentinin üzvü qətnaməni dəstəkləyərək Mzia Amağlobelinin və digər siyasi məhbusların azadlığa buraxılmasını tələb edib.

İclasda ümumilikdə 436 deputat iştirak edirdi, onlardan 25-i qətnamənin əleyhinə səs verib, 87-si isə bitərəf qalıb.

Birgə mətndə “Gürcü Arzusu”nun repressiv qanunları haqqında qeyd olunur ki, bu, hakim partiyanın tənqidi səsləri susdurmaq məqsədi daşıyan avtoritar strategiyasıdır. Eyni zamanda vurğulanır ki, hakimiyyət qalan müstəqil medianı faktiki olaraq məhv edib, informasiya məkanı isə tamamilə hökumətyönlü media vasitələrinin nəzarəti altındadır, hansı ki, Rusiyanı təbliğ edir və Avropa ilə bağlı dezinformasiya yayırlar.

Mzia Amağlobelinin işi ilə bağlı xüsusi olaraq vurğulanır ki, hakimiyyət hüquqi prosedurları nəzərə almayaraq onu aydın hüquqi əsas olmadan əvvəlcədən həbs edib. Bu, xalq müdafiəçisi (ombudsman) tərəfindən də tənqid olunub. Onun işi cinayət-hüquqi ixtisası olmayan bir hakimə verilib.