İran AEBA-nın baş direktoru Qrossini günahlandırır

16:36 / 19.06.2025

Atom Enerjisi üzrə Beynəlxalq Agentlik (AEBA) İranın tikilməkdə olan Xondab (əvvəlki adı Arak) ağır su tədqiqat reaktorunun vurulması barədə məlumatlı olduğunu bildirib.

"Reaktor istismarda olmayıb və nüvə materialı ehtiva etmədiyi üçün radioloji təsir yoxdur. Hazırda AEBA-nın Xondab ağır su istehsalı zavodunun zərbə aldığına dair heç bir məlumatı yoxdur", - BMT-nin nüvə proqramlarına nəzarət institutu X platfomasındakı paylaşımında yazıb.

IAEA has information the Khondab (former Arak) heavy water research reactor, under construction, was hit. It was not operational and contained no nuclear material, so no radiological effects.
At present, IAEA has no information indicating the Khondab heavy water plant was hit.
— IAEA - International Atomic Energy Agency ⚛️ (@iaeaorg) June 19, 2025

İran Xarici İşlər Nazirliyinin (XİN) mətbuat katibi İsmayıl Bəqayi isə AEBA-nı yalan hesabat hazırlamaqda ittiham edib və bildirib ki, bu hesabat əsasında hazırlanan qətnamədən İsrail İrana hücumda bəhanə kimi istifadə edib.

"Artıq gecdir, cənab Qrossi"
Rafael Qrossinin "Bizim İranın nüvə silahı hazırlamaq istiqamətində sistemli bir səylə məşğul olduğuna dair heç bir sübutumuz yoxdur" şərhinə reaksiya verən İran XİN sözçüsü bu etirafın artıq gec olduğunu deyib: "Bu, artıq gecdir, cənab Qrossi. Siz bu həqiqəti tamamilə qərəzli hesabatınızda gizlətmisiniz. Bu hesabat E3 (Almaniya, Britaniya və Fransa)/ABŞ tərəfindən əsassız ittihamlar əsasında qətnamə hazırlamaq üçün alətə çevrilib".

İranlı rəsmi AEBA-nın baş direktorunu "nüvə silahlarının yayılmasının qarşısının alınması rejiminə xəyanət etməkdə, İrana qarşı başladılan müharibədə AEBA-nı tərəfdaşa çevirməkdə ittiham edib.

İranın keçmiş xarici işlər naziri və vitse-prezidenti Cavad Zərif də Qrossini məsuliyyətsizlikdə və yanlış hesabatda günahlandırıb.

"Rafael Qrossinin məsuliyyətsiz və yanlış AEBA hesabatı Agentliyə bərpaolunmaz ziyan vurub. Qrossi İsrailin təcavüzü nəticəsində İranda günahsız insanların ölümü üçün bəhanə kimi istifadə olunan bu hesabatda iştirakına görə cavab verməlidir" - Zərif X sosial media hesabında yazıb.

Indeed @rafaelmgrossi 's irresponsible and fallacious IAEA report has caused irreparable damage to the Agency. He must be held accountable for his complicity in the death of innocents in Iran caused by Israeli aggression using his report as a pretext. #Fire_Grossi https://t.co/s6pH9EqjJc
— Javad Zarif (@JZarif) June 19, 2025

Mənbə: Azadlıq Radiosu

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin! +995557994415

BY AUTHOR

Marneuli FM