Gürcüstan Patriarxlığının genişləndirilmiş Sinod Komissiyası Marneuli və Hucabinin yepiskopu Qiorqi Camdeliani tərəfindən Kvemo Kartli qubernatorunun keçmiş müavini Qiorqi Şinçikaşviliyə qarşı Yepiskop Məhkəməsinin hökmünün dayandırılmasını tövsiyə edib.

İyunun 19-da qəbul edilən qərarla bağlı məlumat iyunun 20-də Patriarxlığın rəsmi “Facebook” səhifəsində dərc olunub.

“Bu il iyunun 19-da Gürcüstan Patriarxlığında Gürcüstan Kilsəsinin Genişləndirilmiş Sinod Komissiyasının iclası keçirilib.
Sinod Komissiyasının üzvləri Marneuli və Hucabinin yepiskopu Qiorqi Camdeliani ilə bağlı son hadisələr barədə məlumatları dinləyiblər.

Dinlənilənlərə əsasən, Genişləndirilmiş Sinod Komissiyası bütün Gürcüstanın Katolik-Patriarxı II İliaya müraciət edib ki, bu il iyunun 6-da Marneuli və Hucabi Yeparxiyasının Yepiskop Məhkəməsi tərəfindən işlə bağlı digər təfərrüatlar aydınlaşdırılana qədər çıxarılmış hökmün icrası dayandırılsın”, – Patriarxlığın bəyanatında qeyd olunur.

Xatırlatmaq istərdik ki, Marneuli və Hucabi yepiskopu Qiorqi Camdeliani Kvemo Kartli qubernatorunun keçmiş müavini Qiorqi Şinçikaşvilini onu öldürməyə cəhddə ittiham edib. İyunun 6-da Qiorqi yepiskop məhkəməsi keçirib, o, məhkəmədə həm hakim, həm də zərərçəkən qismində çıxış edib.

Yepiskop məhkəməsi rahibə Tekla Kublaşvilinin ifadəsi əsasında Qiorqi Şinçikaşvilini təqsirli bilib. O, qərarını rahibə Tekla Kublaşvilinin ifadəsi ilə əsaslandırıb. Rahibənin iddiasına görə, Şinçikaşvili onu yepiskopu zəhərləməyə məcbur edib.

Marneuli və Hucabi yepiskopunun ifadəsi əsasında Prokurorluq Cinayət Məcəlləsinin qəsdən adam öldürməyə hazırlığı nəzərdə tutan 18,108-ci maddəsi ilə istintaqa başlayıb. Yepiskop Qiorqi istintaqla əməkdaşlıq etməyəcəyini və ifadə verməyəcəyini bildirib.

Yepiskop Qiorqi Camdeliani də rahibə Teklanın yeparxiyanı tərk etdiyini və onunla daha əlaqə saxlamadığını bildirib. Jurnalist Eliso Kiladze Kazbeqidəki ailə mehmanxanalarından birində rahibə Teka Kublaşvilinin izinə düşüb. Kiladzenin sözlərinə görə, Marneuli və Hucabi yepiskopu Qiorqi Camdeliani rahibəni gizlədir və ona nə deyəcəyi ilə bağlı göstərişlər verir.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin! +995557994415

---