Daxili İşlər Nazirliyinin sosial səhifəsində yazılıb ki, Vağzal Meydanında baş verən bina uçqunu nəticəsində daha bir şəxs həyatını itirib.

DİN-in məlumatına görə, hadisə yerində Fövqəladə Halların İdarə Edilməsi Xidmətinin yanğınsöndürən-xilasediciləri nazirliyin digər bölmələrinin əməkdaşları ilə birlikdə axtarış işlərini davam etdirirlər.

“Daxili İşlər Nazirliyi Tbilisidə, ‘Vağzal Meydanı’ yaxınlığında yerləşən yaşayış binasında baş vermiş uçqun faktı ilə bağlı Gürcüstan Cinayət Məcəlləsinin 240-cı maddəsi ilə istintaqa başlayıb.

Hazırkı dəqiq məlumata görə, baş vermiş uçqun nəticəsində 2 nəfər həyatını itirib, bir nəfər isə xəsarət alıb və ona tibbi yardım göstərilməsi üçün xəstəxanaya yerləşdirilib.

Fövqəladə Halların İdarə Edilməsi Xidmətinin yanğınsöndürən-xilasediciləri və digər bölmə əməkdaşları fasiləsiz rejimdə axtarış-xilasetmə işlərini davam etdirirlər. Təhlükəsizlik tədbirləri çərçivəsində ərazi hasarlanıb”, – deyə qurumun bəyanatında qeyd olunur.

Tbilisinin meri Kaxa Kaladze Stansiya Meydanındakı bina uçqununu faciəvi hadisə adlandırıb.

Onun sözlərinə görə, binanın sakinlərinə söküntü və əvəzləmə dövründə kirayəyə köçmək təklif olunub, lakin binadakı bütün sakinlər bu təkliflə razılaşmayıb.

Kaladzenin qeyd etdiyinə görə, bələdiyyədə uçmuş binanın vəziyyəti haqda məlumatlı idilər və bu bina təmirə yararlı deyildi.

“Təəssüf ki, faciəvi hadisə baş verdi, nəticədə 1 nəfər həlak oldu və bir nəfərə tibbi yardım göstərilir.

Binaya gəlincə, qəza vəziyyətində idi, ona beşinci kateqoriyalı qəza statusu verilmişdi və bu, bərpa olunmayan bina sayılırdı. Bu barədə yerli sakinlər məlumatlı idi, Didube rayon idarəsində bir neçə görüş keçirilmişdi.

Biz onlara təklif etdik ki, əvəzləmə proqramında iştirak etsinlər. Bu proqram çərçivəsində biz həmin binanın sökülməsi və yeni binanın tikintisini təmin edəcəkdik. Bilirsiniz ki, bu cür proqramların həyata keçirilməsi üçün sakinlərin 100%-lik razılığı tələb olunur. Təəssüf ki, bu razılığı əldə edə bilmədik. Bir neçə ailə razılaşdı və onlar kirayəyə köçürüldü, lakin qalanları bu mərhələdə imtina etdilər.

Qəza vəziyyətində olan binalar bələdiyyədə çoxdur. Təqdim etdiyimiz proqram bu insanlara yeni bina tikilənə qədər kirayəyə köçmək imkanı təklif edir”, – deyə Kaladze mediaya bildirib.

DİN naziri Qela Qeladzenin sözlərinə görə, hadisə ilə bağlı istintaq Cinayət Məcəlləsinin 240-cı maddəsi ilə aparılır.

“Hadisə yerinə müvafiq polis qüvvələri ilə birlikdə xilasetmə xidməti cəlb olunub, istintaq 240-cı maddə ilə aparılır.

Bu mərhələdə təsdiqləyə bilərəm ki, yalnız bir nəfər klinikaya aparılıb, vəziyyəti sabitdir və tibbi yardım alır. Həmçinin, təsdiqləyə bilərik ki, yalnız bir nəfər həlak olub. Əgər ölənlərin sayı artsa, bunu yaxın vaxtlarda sizə mütləq bildirəcəyik”, – deyə o bildirib.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin! +995557994415

---