İqtisadiyyat və Davamlı İnkişaf Nazirliyi sistemində kadr dəyişiklikləri baş verir.

İqtisadiyyat Nazirliyi tərəfindən yayılan press-relizdə bildirilir ki, “şəxsi ərizələr əsasında” vəzifələrini tərk ediblər: Quru Nəqliyyatı Agentliyinin rəhbəri, Neft və Qaz Korporasiyasının baş direktoru və Dəniz Nəqliyyatı Agentliyinin rəhbəri (Aleksandre Axvlediani).

Nazirliyin məlumatında deyilir:
“İqtisadiyyat Nazirliyinin Enerji Siyasəti və İnvestisiya Layihələri Departamentinə Aleksandre Soxadze rəhbərlik edəcək, Elektrik Enerji

Sisteminin Ticarət Operatoru (ESCO) şirkətinin baş direktoru vəzifəsinə isə Tornike Qazarashvili təyin olunub," - yeni iqtisadiyyat naziri, “Gürcü Arzusu” partiyasından Mariam Kvrivişvili Tornike Kazaraşvilini nazirlik əməkdaşlarına bu sözlərlə təqdim edib:

“Tornike bu sahənin peşəkarıdır və energetika sektorunun imkanlarını və çağırışlarını yaxşı tanıyır. ESCO ölkənin elektrik energetikası sektorunun sabitliyinin qorunmasında böyük rol oynayıb və əminəm ki, qurumun yeni rəhbəri öz peşəkar komandası ilə birlikdə qarşıya qoyulan vəzifələrin öhdəsindən uğurla gələcək.”

Qeyd edək ki, Quru Nəqliyyatı Agentliyinə indiyədək Levan Qamkrelidze rəhbərlik edirdi, Neft və Qaz Korporasiyasının baş direktoru isə Qiorqi Çikovani idi. Dəniz Nəqliyyatı Agentliyinin artıq keçmiş rəhbəri Aleksi Axvlediani Tornike Rijvadze işi ilə əlaqəli olaraq hallanır. O, ilkin olaraq odlu silahın ehtiyatsız saxlanılması faktına görə saxlanılıb, daha sonra Tbilisi Şəhər Məhkəməsi tərəfindən 30 000 lari girov qarşılığında azadlığa buraxılıb.