Rusiyanın TASS agentliyinin yaydığı məlumata görə, Gürcüstan və onun işğal altında olan Abxaziya bölgəsi bu yay gənc rus cütlükləri üçün ən çox seçilən xarici istirahət məkanlarının ilk onluğunda yer alıb. Bu barədə məlumat “OneTwoTrip” adlı səyahət planlaşdırma xidmətinin araşdırmasına əsaslanır.

Araşdırmaya görə, Gürcüstan populyarlıq reytinqində dördüncü yerdə qərarlaşıb – Türkiyə, Yaponiya və Çindən sonra. İşğal olunmuş Abxaziya isə rus xidmətinin siyahısında ayrıca göstərilərək yeddinci pillədə yer alıb.

Gənc rus cütlüklərinin xarici ölkələrdə etdiyi otel rezervasiyalarına nəzər saldıqda, Gürcüstanın payı 7.5 faiz, Abxaziyanın payı isə 4.5 faiz təşkil edir.

Ən çox üstünlük verilən ölkə isə Türkiyə olub – rus cütlüklərinin ümumi xarici rezervasiyalarının 13.7 faizi bu ölkəyə aiddir. İkinci yerdə 11.1 faizlə Yaponiya, üçüncü yerdə isə 8.8 faizlə Çin qərarlaşıb.

Qeyd olunur ki, Gürcüstan və Abxaziyanın statistikası birləşdirildikdə, bu göstərici 12 faizə yüksəlir. Bu isə onu göstərir ki, Gürcüstan ümumi sərhədləri çərçivəsində gənc rus cütlükləri üçün ikinci ən populyar yay istiqaməti sayılır və bu göstərici ilə Yaponiya ilə yerləri dəyişir.

Gənc rus cütlükləri üçün bu yay ən populyar xarici istiqamətlərin ilk onluğu belədir:

• Türkiyə – 13.7%
• Yaponiya – 11.1%
• Çin – 8.8%
• Gürcüstan – 7.5%
• Cənubi Koreya – 6.2%
• Vyetnam – 5.7%
• İşğal altında olan Abxaziya – 4.5%
• İtaliya – 4.4%
• Belarus – 3.6%
• Birləşmiş Ərəb Əmirlikləri – 3.5%

Araşdırmada həmçinin bildirilir ki, gənc rus cütlükləri bu yay xaricdə otel bron etməyə daha qənaətcil yanaşıblar. Belə ki, orta hesabla bir bron üçün ödənilən məbləğ 34 min 900 rubl (təxminən 437 dollar) təşkil edib. Bu göstərici 2024-cü ilin yayına nisbətən azalıb – ötən il orta məbləğ 37 min 500 rubl (təxminən 469 dollar) idi.

Mənbə: BPN

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---