Daxili İşlər Nazirliyinin məlumatına görə, Tbilisi, Mərkəzi Kriminal Polis, Patrul Polisi, həmçinin İmereti və Raça-Leçxumi Polis Departamentlərinin əməkdaşları bir həftə ərzində keçirdikləri əməliyyat və istintaq tədbirləri nəticəsində qanunsuz odlu silahlar və döyüş sursatı aşkarlayıb. Məhkəmə qərarı ilə ümumilikdə 11 nəfər saxlanılıb.

Nazirliyin açıqlamasında bildirilir ki, odlu silah və sursatın qanunsuz əldə edilməsi, saxlanılması, daşınması, eləcə də Gürcüstanın gömrük sərhədindən qaydaları pozmaqla silah keçirilməsi faktları üzrə saxlanılanlar arasında həm Gürcüstan, həm də Türkiyə vətəndaşları var. Onlardan bəziləri əvvəllər də məhkum olunublar.

Aparılan şəxsi axtarışlar, evlərdə, avtomobillərdə və həyətyanı sahələrdə keçirilən baxış zamanı müxtəlif tipli odlu silahlar, döyüş sursatı, tapançalar, revolverlər, ov tüfəngləri, daraqlar, güllələr, həmçinin narkotik vasitələr maddi sübut kimi götürülüb.

Qanunsuz silah və narkotik saxlama ittihamı ilə saxlanılan şəxsləri 8 ilədək azadlıqdan məhrumetmə cəzası gözləyir. İş üzrə istintaq Gürcüstan Cinayət Məcəlləsinin 214-cü, 236-cı və 265-ci prim maddələri ilə aparılır.

Mənbə: Tabula

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---