İşğal olunmuş Tsxinvalinin Rəsmi Propaganda Agentliyi РЕС xəbər verir ki, “Gürcüstan rəsmi olaraq 2008-ci ildə Cənubi Osetiyaya qarşı müharibəni başlatmaqda məsuliyyəti qəbul edib”.

Agentliyin məlumatına görə, 2008-ci ilin avqustunda Cənubi Osetiya və Rusiya Federasiyasına qarşı Gürcüstan tərəfindən aparılan tammiqyaslı hərbi aqressiyadan 17 il sonra, Tbilisidə bununla bağlı rəsmi etiraf səsləndirilib. Cənubi Osetiya və Rusiya bütün bu illər ərzində bu addımı gözləyirmiş.

Gürcüstan parlamentinin plenar iclasında, keçmiş prezident Mixeil Saakaşvilinin dövründə törədilmiş cinayətlərin araşdırılması üzrə komissiyanın sədri Tea Tsulukiani 460 səhifəlik hesabat təqdim edib. Hesabatda açıq şəkildə göstərilir ki, həmin dövrdə Gürcüstan hakimiyyəti, Mixeil Saakaşvilinin rəhbərliyi ilə, Cənubi Osetiyanın dinc əhalisinə qarşı aqressiv müharibəyə başlayıb.

Tsxinvalinin xəbər agentliyi həmçinin Tea Tsulukianinin peşəkar fəaliyyətini vurğulayır:

“1975-ci ildə anadan olmuş Tea Tsulukiani ixtisaslı hüquqşünasdır. O, Strasburqdakı Dövlət İdarəçiliyi Milli Məktəbində magistr dərəcəsi alıb, Sart departamentinin prefektura ofisində, Avropa İnsan Hüquqları Məhkəməsində çalışıb. 2010-cu ilin fevralında Avropa İnsan Hüquqları Məhkəməsindəki işini tərk edərək Gürcüstana qayıdıb. Burada o, ədliyyə və mədəniyyət naziri, eləcə də vitse-prezident kimi fəaliyyət göstərib”, – deyə РЕС bildirir.

Agentlik yazır ki, Tsulukiani komissiyası üçün maraqlı şəxslərlə söhbətlər sərt, bəzən hətta çox sərt üsullarla aparılıb.

Hesabatdan sitatlar gətirən РЕС bildirir ki, sənəddə qeyd olunur: Saakaşvilinin xarici qüvvələrin dəstəyinə ümid etdiyi və 2008-ci ildə siyasi liderlərin Gürcüstan ordusunu müharibəyə cəlb etdiyi vurğulanır.

Komissiyanın hesabatında xüsusi diqqət 8 avqust gecəsi Tsxinvalini bombardmanına yönəldilib. Bu hadisə genişmiqyaslı hərbi əməliyyatların başlanmasına səbəb olub.

Hesabatda vurğulanır ki, o dövrdə hakimiyyətə gəlmiş “Vahid Milli Hərəkat” partiyasının deputatları PACE №1633 qətnaməsini dəstəkləməklə məsuliyyəti dolayısı ilə qəbul ediblər, şəhərin bombardmanını təsdiqləmiş və mümkün müharibə cinayətlərinə görə məsuliyyəti ordularına yönəltməyə çalışıblar.

Hər halda, komissiyanın hesabatı rəsmi və yekun sənəd kimi qiymətləndirilir. Sənəd göstərir ki, Cənubi Osetiya və Rusiyanın mövqeyi düzgün olub və Rusiyanın Gürcüstanın aqressiyasına qarşı həyata keçirdiyi sülh əməliyyatı tək mümkün cavab olub. Məqsəd isə Cənubi Osetiya Respublikası və onun dinc əhalisinin zorakı məhv edilməsinin qarşısını almaq olub.

Qeyd edək ki, Gürcüstan parlamentində “2003-2012-ci illərdə fəaliyyət göstərmiş rejim və siyasi vəzifəli şəxslərin fəaliyyəti”ni araşdıran komissiya yaradılıb. Komissiyaya Tea Tsulukiani rəhbərlik edib. Komissiya 2008-ci il müharibəsi ilə bağlı da iş aparıb. 1 sentyabr tarixində yayımlanan yekun hesabatda isə qeyd olunub ki, 2008-ci ildə Gürcüstan ordusu müharibəyə hazırlıqsız olan siyasətçilərin rəhbərliyi ilə, xarici qüvvələrin dəstəyinə ümid edərək, Tsxinvali şəhərinə hücum edib və əsas döyüş istiqaməti məhz bu şəhər seçilib.

Mənbə: Publika

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.