Ətraf Mühit üzrə Milli Agentlik Tbilisi–Rustavi magistral yolunun 2-ci hissəsinin istismar şərtlərində dəyişikliklərlə bağlı qəbul edilmiş skopinq rəyini qüvvədən düşmüş elan edib.

Sənədlərdən aydın olur ki, Ətraf Mühit üzrə Milli Agentliyinə bu rəyin qüvvədən salınması barədə 1 sentyabrda layihəni icra edən Bələdiyyə İnkişaf Fondu müraciət edib.

Qüvvədən düşmüş elan olunan skopinq rəyi Tbilisi–Rustavi avtomobil yolunun Poniçala hissəsinin yenilənmiş layihə ilə inşasını nəzərdə tuturdu. Əvvəlki layihə əhalinin etirazına görə 2019-cu ildə dayandırılmışdı.

Məlumat üçün bildirək ki, Tbilisi–Rustavi magistral yolunun 2-ci hissəsinin istismar şərtlərinin dəyişdirilməsi ilə bağlı müraciət bu ilin mart ayının sonunda Agentliyə təqdim olunub. Mövcud layihəyə əsasən, həmin hissə Poniçala ərazisindən keçməli idi. Layihə çərçivəsində 6,8 km uzunluğunda şəhər yolunun modernləşdirilməsi nəzərdə tutulurdu. Bu, Kür çayı sahilində yeni avtomobil yolunun tikintisini və mövcud ikizolaqlı yolun dörd zolağa qədər genişləndirilməsini əhatə edirdi.

Skopinq rəyi ilə verilmiş əsas dəyişiklik Poniçalanın kənarından keçməsini nəzərdə tuturdu.

Xatırladaq ki, bu layihə Tbilisi–Qırmızı Körpü (Azərbaycan sərhədi) yolunun bir hissəsidir. Layihə bir neçə lota bölünüb. Qeyd olunan Poniçala–Rustavi layihəsi yolun ikinci hissəsini təşkil edir. Həmçinin qeyd edilməlidir ki, Tbilisi–Rustavi avtomobil yolunun 17 km-lik hissəsinin artıq tamamlanmış 13,5 km-i ilə nəqliyyat vasitələri 2018-ci ildən istifadə edir.

Bundan əlavə, Tbilisi–Qırmızı Körpü avtomobil yolunun başqa bir hissəsinin inşası üçün Bələdiyyə İnkişaf Fondu ötən ilin iyun ayında tender elan edib. Söhbət Poniçaladan keçən 3 km-lik yoldan gedir. Müqavilə “Koks Konsalti” MMC-nin Gürcüstan filialı ilə imzalanıb. Şirkət işləri 3 165 000 lariyə yerinə yetirəcək. Müqavilənin müddəti 2028-ci ilin sonuna qədərdir.

Mənbə: BPN

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.