Qeyri-hökumət təşkilatları birgə bəyanat yayıb və Almaniyanın Gürcüstandakı səfiri Peter Fişerə həmrəylik ifadə ediblər.

Təşkilatların sözlərinə görə, səfir “Gürcü Arzusu” tərəfindən əsassız, aqressiv və nalayiq hücumların hədəfinə çevrilib. Onların fikrincə, bu addımlar Gürcüstanın beynəlxalq nüfuzuna zərər vurur, strateji maraqlarını sarsıdır və ölkəni daim onun müstəqilliyini, təhlükəsizliyini və demokratik inkişafını dəstəkləmiş müttəfiqlərindən uzaqlaşdırır.

Bəyanatdan sitat:

“Biz, Gürcüstanın qeyri-hökumət təşkilatlarının nümayəndələri, Almaniya Federativ Respublikasının Gürcüstandakı səfiri, Zati-aliləri cənab Ernst Peter Fişerə tam həmrəylik bildiririk.

Demokratik dəyərlər və Gürcüstanın Avropa gələcəyi təhdid altında olduğu bir vaxtda səfir Fişer azadlıq, açıqlıq və demokratiya prinsiplərini ardıcıl və cəsarətlə müdafiə edir. Onun mövqeyi açıq və inandırıcıdır və həm hökumətə, həm də gürcü cəmiyyətinə xatırladır ki, Gürcüstanın yeri Avropa ölkələri ailəsindədir.

Məhz bu prinsipial mövqeyinə görə səfir Fişer “Gürcü Arzusu”nun əsassız, aqressiv və nalayiq hücumlarının hədəfinə çevrilib. Onun şəxsi təhqiri və təbliğat xarakterli narrativlər ayrı-ayrı hadisələr deyil; bunlar Almaniyaya və digər Qərb tərəfdaşlarına – o cümlədən Avropa İttifaqına, Böyük Britaniyaya və ABŞ-a qarşı yönəlmiş məqsədyönlü və sistemli dezinformasiya və düşmənçilik kampaniyasının bir hissəsidir. Onlar illərdir Gürcüstanın yanında dayanaraq humanitar yardım göstərib, inkişafı dəstəkləyib, güclü diplomatik və siyasi dəstək veriblər. Almaniya və tərəfdaşları gürcü xalqının ən ardıcıl və sadiq dostları olublar.

Əhəmiyyətli tərəfdaş ölkənin nümayəndəsinin – ölkəmizin qonağının – gözdən salınması və ona qarşı şəxsi hücumlar ciddi narahatlıq doğurur. Bu addımlar Gürcüstanın beynəlxalq reputasiyasına zərər vurur, strateji maraqlarını sarsıdır və ən təhlükəlisi, ölkəmizi daim müstəqilliyimizə, təhlükəsizliyimizə və demokratik inkişafımıza dəstək olmuş müttəfiqlərdən uzaqlaşdırır. Gürcüstanın suverenliyini gücləndirmək əvəzinə, belə narrativlər yalnız dirəniş qabiliyyətimizi zəiflədir, parçalanmanı dərinləşdirir və Gürcüstanın Avropa yolunda uğur qazanmasını istəməyən qüvvələrin maraqlarına xidmət edir.

Qərbin Gürcüstana və vətəndaşlarımıza dəstəyinin azaldığı barədə deyilənlər həqiqətə uyğun deyil. Əksinə, məhz Almaniya, Böyük Britaniya və digər Avropa dövlətləri Gürcüstanın Avroatlantik strukturlara inteqrasiyasını ardıcıl dəstəkləyib və suverenliyimizi xarici təhdidlər qarşısında müdafiə ediblər.

Biz – Gürcüstanın demokratik gələcəyinə sadiq olan

qeyri-hökumət təşkilatları – səfir Fişerə və düşmənçiliyə, böhtanlara baxmayaraq, gürcülərin azadlıq, demokratiya və Avropa inteqrasiyası hüququnu müdafiə edən bütün tərəfdaş ölkələrin nümayəndələrinə dəstəyimizi bildiririk. Tərəfdaşlarımızın ölkəmizə göstərdiyi həmrəylik tanınmağa, minnətdarlığa və hörmətə layiqdir.

Biz, Gürcüstanın qeyri-hökumət təşkilatları, yekdilliklə səfir Fişerin yanındayıq. Biz təbliğat və manipulyasiyanın ifşa edilməsini davam etdirəcək və ölkəmizin tarixi seçimi – Avropa gələcəyimiz uğrunda mübarizə aparacağıq. Gürcüstanda həqiqət, ləyaqət, demokratiya və azadlıq dəyərləri mütləq qalib gələcəkdir”.

Hazırda bəyanatı imzalayan təşkilatlar:

1. Europe-Georgia Institute (EGI) — Avropa-Gürcüstan İnstitutu
2. Transparency International Georgia — Beynəlxalq Şəffaflıq – Gürcüstan
3. Tbilisi Pride — Tbilisi Praid
4. Tolerance and Diversity Institute (TDI) — Dözümlülük və Müxtəliflik İnstitutu
5. Democracy Research Institute (DRI) — Demokratiya Araşdırmaları İnstitutu
6. Human Rights Center (HRC) — İnsan Hüquqları Mərkəzi
7. Green Alternative — Yaşıl Alternativ
8. Rights Georgia — Hüquqlar Gürcüstan
9. Civil Society Foundation — Vətəndaş Cəmiyyəti Fondu
10. Georgian Democracy Initiative (GDI) — Gürcüstan Demokratiya Təşəbbüsü
11. Georgia’s European Orbit — Gürcüstanın Avropa Orbitası
12. Partnership for Human Rights — İnsan Hüquqları üzrə Tərəfdaşlıq
13. International Society for Fair Elections and Democracy (ISFED) — Ədalətli Seçkilər və Demokratiya üzrə Beynəlxalq Cəmiyyət
14. Georgia’s Association of Young Lawyers (GYLA) — Gənc Hüquqşünaslar Assosiasiyası
15. Democracy Defenders (DemDef) — Demokratiya Müdafiəçiləri
16. Georgia’s Future Academy — Gürcüstanın Gələcəyi Akademiyası
17. Sapari — Sapari
18. Georgian Center for Psychosocial and Medical Rehabilitation of Torture Victims (GCRT) — İşgəncə Qurbanlarının Psixososial və Tibbi Reabilitasiya Mərkəzi
19. Institute for Development of Freedom of Information (IDFI) — İnformasiya Azadlığının İnkişafı İnstitutu
20. Association of Law Firms of Georgia (ALFG) — Gürcüstan Hüquq Firmaları Assosiasiyası
21. Women’s Initiatives Supporting Group (WISG) — Qadınların İdeyalarını Dəstəkləyən Qrup
22. Economic Policy Research Center (EPRC) — İqtisadi Siyasət Araşdırmaları Mərkəzi
23. Research-Intellectual Club “Dialogue of Generations” (RICDOG) — Tədqiqat-İntellektual Klub “Nəsillərin Dialoqu”
24. GEOCASE — GEOCASE
25. Europe Foundation — Avropa Fondu
26. Prevention for Progress (PFP) — İrəliləyiş üçün prevensiya
27. Civic Idea — Vətəndaş İdeyası
28. Institute of Western Democracy and Leadership (IWDL Georgia) — Qərb Demokratiyası və Liderlik İnstitutu
29. Georgia’s Reforms Associates (GRASS) — Gürcüstan İslahatlar Assosiasiyası

Mənbə: Publika

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

 

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.