Xülasə

• Rusiyada miqrantlar üçün qaydalar sərtləşdirilir.
• Bu yaxınlarda 10 yaşlı qırğız qızın Rusiyaya girişinə 5 illik qadağa qoyulub. Onun hansısa miqrasiya qaydalarını pozduğu bildirilib.
• Rusiya məktəblərində oxuyan 3 min 700-dən çox şagird Tacikistana qayıtmağa məcbur olub.

Ayzura bu yaxınlarda 10 yaşlı qızı ilə Qırğızıstandan Rusiyaya, ailəsinin yanına yollanıb. Amma onları Moskvada hava limanından buraxmayıblar.

Təqiblərə görə Ayzura ləqəbindən yararlanan qadın qızı ilə 12 saat hava limanında saxlanılıb. Bəlli olub ki, Rusiyada Orta Asiyadan miqrantlara təzyiq kampaniyası uşaqlardan da yan keçməyib. Son vaxtlar onların çoxu rus məktəblərində oxumaqdan məhrum edilir, ölkəyə girişi yasaqlanır.

Aeroport rəsmiləri Moskvanın Krasnoselski rayonunun Miqrasiya İdarəsinə aid sənəd təqdim ediblər. Orada qızın hansısa miqrasiya qaydalarını pozduğu göstərilib.

Ayzura AzadlıqRadiosunun qırğız xidmətinə danışır ki, qızı birinci sinifdən Moskvada məktəbə gedirmiş. Hava limanından onlara "Sizin uşağınızı buraxmayacağıq" söylənib. "Qızım 10 yaşındadır. Hansi qanunu pozub?", – ana sual edib.


10 yaşlı uşağa 5 illik giriş qadağası
Ayzuranın həyat yoldaşı və böyük qızı Rusiyada qalıb. Ana ilə kiçik qızını həbsxana kimi otağa salıb dəmir stullarda oturmağa məcbur ediblər: "Yataq dəstləri iyrənc idi".

Onlara məktəbli qıza Rusiyaya 5 il müddətinə giriş qadağası qoyulduğu bildirilib.

"Mənə və qızıma çox təzyiq göstərdilər", – ana danışır.

"Hər şeyi götür-qoy edəndən sonra Qırğızıstana qayıtmağa qərar verdim", – Moskvada 10 il yaşayıb işləmiş Ayzura deyir. "Eşitmişəm ki, indi istədiklərinə qadağa qoyub deportasiya edirlər", – o əlavə edir.

Ötən ilin martında "İslam Dövləti-Xorasan" ekstremist qrupunun Moskva yaxınlığında bir konsert salonuna hücumundan sonra Rusiyada miqrantlara hücumlar və ayrıseçkilik güclənib. Həmin hücumda 150 nəfər öldürülüb. Hücumla əlaqəli olduğu iddia edilən bir neçə tacikistanlı həbs olunub.

Hadisədən sonra on minlərlə ortaasiyalı deportasiya edilib, Rusiyaya girişi yasaqlanıb.

Keçən ay Tacikistandan onlarla miqrant Moskvadakı Jukovski hava limanında bir həftədən çox saxlanılıb. AzadlıqRadiosunun əldə etdiyi görüntülərdə onlarla kişinin həbsxanadakı kimi dəmir çarpayılarda, sıx şəraitdə qaldığı görünür.

İndi isə hədəfdə miqrantların uşaqlarıdır.


3 min 700-dən çox məktəbli Tacikistana qayıdıb
Bu yaxınlarda Moskvada bir tacik qız məktəbdən çıxarılıb. Rəsmi səbəb kimi onun valideynlərinin Tacikistana qayıtdığı göstərilib, baxmayaraq ki, ailə Rusiyanın paytaxtında yaşayır. Qızın yaxınlarından Ahliya radionun tacik xidmətinə deyib ki, valideynləri hələ də Rusiyada işləyən qızı Tacikistana gətirməyə məcbur qalıblar.

Tacikistan Təhsil Nazirliyinin rəsmisi əvvəllər Rusiya məktəblərində oxuyan 3 min 700-dən çox məktəblinin məcburən Tacikistana qayıtdığını söyləyib.

Rəsmilər miqrant uşaqlarının rus məktəblərinə qəbul qaydalarını sərtləşdiriblər. İndi onlar sərt dil imtahanından keçməli, Rusiyada hüquqi statuslarını sübut etməlidirlər.

Moskvada 10 il yaşayan Aygül AzadlıqRadiosunun qırğız xidmətinə deyib ki, qızı yeni dil imtahanını keçə bilmədiyindən məktəbə getmir. Üç ay sonra imtahanı yenidən verə bilər.

Rusiya Təhsil və Elm üzrə Federal Monitorinq Xidməti (Rosobrnadzor) ötən həftə bildirib ki, bu tədris ilində rus məktəblərinə qəbul üçün müraciət edən miqrant uşaqların təxminən 87 faizi imtina alıb. Məcburi rus dili imtahanından keçən uşaqların sayı 3 mindən azdır, müraciət edənlərin təxminən 13 faizi bu imtahanı uğurla verib.

Qırğızıstanda yaşayan miqrasiya eksperti Nursultan Karabayev miqrant işçilərin uşaqları üçün yeni qaydaları orta asiyalılara daha geniş təzyiq kampaniyasının tərkib hissəsi sayır.

"Rusiya miqrantların sayını, xüsusilə ailələri ilə birlikdə gələn miqrantların sayını azaltmaq istəyir. Başqa məqsəd görmürəm", – o, AzadlıqRadiosunun qırğız xidmətinə söyləyib.

Mənbə: Azadlıq Radiosu

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.