Prokurorluğun məlumatına görə, dələduzluq, saxta sənədlərin hazırlanması və istifadəsi faktları ilə bağlı bir nəfərə ittiham irəli sürülüb.

Qurumun bildirdiyinə görə, Daxili İşlər Nazirliyi tərəfindən aparılan istintaqla müəyyən olunub ki, təqsirləndirilən şəxs “Rustavi 2007” Mənzil Tikinti Kooperativinə məxsus daşınmaz əmlakı qanunsuz mənimsəmək məqsədilə saxta məlumatlar ehtiva edən kooperativ yığıncaqlarının protokollarını hazırlayaraq Milli İctimai Reyestr Agentliyinə təqdim edib. Bu protokollar əsasında daşınmaz əmlak hüquqlarının qeydiyyatını həyata keçirən qurumu aldadaraq, təqsirləndirilən şəxs kooperativə məxsus dəyəri 1 321 400 lari olan, ümumi sahəsi 641,20 kv.m olan yaşayış və kommersiya sahələrinə dələduzluq yolu ilə sahib olub.

“Ona Gürcüstan Cinayət Məcəlləsinin 180-ci maddəsinin üçüncü hissəsinin ‘b’ bəndi (dələduzluq, yəni özgə əmlakını qanunsuz mənimsəmək məqsədilə aldadaraq ələ keçirmə, iri məbləğdə törədildikdə) və 362-ci maddənin ikinci hissəsinin ‘b’ bəndi (saxta rəsmi sənədin hazırlanması və istifadəsi, nəticəsində əhəmiyyətli ziyanın vurulması) ilə ittiham irəli sürülüb. Bu maddələr 9 ilədək azadlıqdan məhrum etmə cəzasını nəzərdə tutur.

Prokurorluq artıq məhkəməyə təqsirləndirilən şəxs barəsində qətimkan tədbirinin seçilməsi ilə bağlı vəsatət təqdim edib.

İstintaq cinayətdə mümkün digər iştirakçıların müəyyən olunması məqsədilə davam edir,” – deyə qurum bildirir.

Mənbə: Publika

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

 

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.