Milli Statistika Xidmətinin (Sakstat) məlumatına görə, 2024-cü ildə Gürcüstanda muzdla çalışanların orta aylıq nominal əməkhaqqı ötən illə

müqayisədə 11,5 faiz (204 lari) artaraq 1 970,8 lari təşkil edib.

2024-cü ildə ötən illə müqayisədə əməkhaqları bütün sahələrdə artıb. Fəaliyyət növlərinə görə ən yüksək maaş aşağıdakı sahələrdə qeydə alınıb:

• İnformasiya və kommunikasiya – 3 923,1 lari (ötən illə müqayisədə 1,7% artım);
• Maliyyə və sığorta fəaliyyəti – 3 677,6 lari (14,4% artım);
• Peşəkar, elmi və texniki fəaliyyətlər – 2 823,4 lari (12,6% artım).

“Sakstat”ın məlumatına əsasən, 2024-cü ildə qadınların orta aylıq əməkhaqqı 1 591,6 lari, kişilərin isə 2 340,7 lari olub. Qadınlarda əməkhaqqı artımı 166,2 lari (11,7%), kişilərdə isə 240,8 lari (11,5%) təşkil edib. Fəaliyyət növlərinə görə demək olar ki, bütün sektorlarda kişilərin orta aylıq maaşı qadınların maaşından yüksək olub.

Dövlət sektorunda muzdla çalışanların orta aylıq maaşı 2024-cü ildə qeyri-dövlət sektorundakı orta maaşdan 436 lari (20,6%) az olub. 2023-cü illə müqayisədə dövlət sektorunda maaşlar 13,0%, qeyri-dövlət sektorunda isə 10,9% artaraq müvafiq olaraq 1 680,5 və 2 116,5 lari təşkil edib.

Sənaye sektorunda 2024-cü ildə muzdla çalışanların orta aylıq maaşı 197,2 lari (10,8%) artaraq 2 024,4 lari olub. Ən yüksək maaş informasiya və kommunikasiya sahəsində (4 007,2 lari, artım – 1,2%) və peşəkar, elmi və texniki fəaliyyətlər sahəsində (3 147,4 lari, artım – 11,9%) qeydə alınıb.

Qeyri-kommersiya və maliyyə sektorunda isə orta aylıq əməkhaqqı 2023-cü illə müqayisədə 217,2 lari (13,2%) artaraq 1 866,8 lari təşkil edib. Fəaliyyət növlərinə görə ən yüksək maaş maliyyə və sığorta fəaliyyəti sahəsində çalışanlarda müşahidə olunur — deyə “Sakstat”ın hesabatında qeyd olunur.

Mənbə: BPN

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

 

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.