Mərkəzi Seçki Komissiyası (MSK) bu gün keçirilən iclasında Tbilisi meri və şəhər məclisi seçkilərinin nəticələrini yekunlaşdırıb.

MSK-nın məlumatına görə, nəticələrə əsasən, Tbilisi meri “Gürcü Arzusu” partiyasının namizədi Kaxa Kaladze seçilib. O, 215 363 seçicinin səsini, yəni 71,63% səs toplayıb. Ümumilikdə mer seçkilərində 324 798 seçici iştirak edib.

MSK həmçinin 2025-ci il 4 oktyabrda proporsional sistemlə keçirilmiş Tbilisi Şəhər Məclisi seçkilərinin nəticələrini də yekunlaşdırıb. Rəsmi protokola əsasən, 325 061 seçici səsvermədə iştirak edib. Mandatlar aşağıdakı kimi bölünüb:

• “Gürcüstan üçün Mühafizəkarlar” – 1 mandat
• “Güclü Gürcüstan–Lelo” – 2 mandat
• “Qirçi” – 2 mandat
• “Gürcü Arzusu” – 20 mandat

Majoritar sistemlə keçirilmiş seçkilərdə isə Tbilisi Şəhər Məclisinin bütün 25 mandatını “Gürcü Arzusu” qazanıb.

MSK sədri Qiorqi Kalandarişvilinin sözlərinə görə, bu, qanunvericiliyə tam uyğun, şəffaf və yüksək peşəkar standartlarla keçirilmiş ən iri və kompleks proseslərdən biri idi. O, seçicilərə fəal iştiraka görə təşəkkür edib və bildirib ki, onların etimadı əsas nailiyyətdir.

Kalandarişvili həmçinin seçki administrasiyası ilə əməkdaşlıq edən bütün qurumlara və təşkilatlara, yerli və beynəlxalq müşahidəçilərə, seçki subyektlərinə və mediaya, eləcə də Smartmatic şirkətinə təşəkkür edib. Bu şirkətin dəstəyi ilə Gürcüstanda ikinci dəfə texnoloji əsaslı seçkilər uğurla həyata keçirilib.

Seçkilərin yekun nəticələri ölkə üzrə dairə seçki komissiyaları tərəfindən də təsdiqlənib. Seçilmiş məclis üzvləri və merlər haqqında məlumat MSK-nın iclasında elan olunub. Detallı nəticələr və yekun protokollar MSK-nın rəsmi saytında yerləşdirilib.

Qanuna əsasən, yeni seçilmiş merlər və şəhər məclisi üzvləri 29 oktyabr tarixindən səlahiyyətlərinə başlayacaqlar. MSK-nın qərarına görə, bütün bələdiyyə məclislərinin ilk iclasları 30 oktyabr saat 11:00-da keçiriləcək. Tbilisidə ilk iclası MSK sədri Qiorqi Kalandarişvili açacaq, regionlarda isə iclaslara müvafiq dairə seçki komissiyalarının sədrləri rəhbərlik edəcəklər.

Mənbə: İnterPressNews

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.