Sosial Ədalət Mərkəzi 2026-cı il iyulun 18-də Axaltsixedə Müsəlman axısqa türkü, Axaltsixe məscidinin imamı Şevket Dvalidze və onun ailə üzvlərinə

qarşı törədilmiş qrup zorakılığı hadisəsi ilə bağlı mediada yayılan məlumatlara münasibət bildirir və dövləti vaxtında və səmərəli reaksiya verməyə çağırır.

"Batumelebi" nəşrinin yayımladığı məlumata əsasən, insident İmam Şevket Dvalidzenin oğlu və Türkiyədən qonaq gəlmiş həddi-büluğa çatmamış qohumunun bir-biri ilə türk dilində danışmasından sonra başlayıb. Bundan sonra naməlum şəxslər türk dilində danışdıqlarına görə onlara şifahi təhqirlər yağdırıb, təcavüzkar münasibət göstəriblər və qarşıdurma qısa zamanda fiziki zorakılığa çevrilib.

Zərərçəkənin bildirdiyinə görə, münaqişə zamanı hücum edənlər zərərçəkənləri onların yaşadığı evə, atasının həyətinə qədər təqib ediblər, 10-dan çox şəxs ailə üzvlərinə fiziki hücum ediblər. Hücum nəticəsində xüsusi zorakılığın qurbanı klinikaya yerləşdirilən Axaltsixe məscidinin imamı Şevket Dvalidze olub.

Zərərçəkənlərin sözlərinə görə hücumda 10-12 nəfər iştirak edib və ailə üzvləri hüquq-mühafizə orqanlarına hücum edənlərin şəxsiyyətinin müəyyənləşdirilməsində köməklik göstəriblər. Buna baxmayaraq, Daxili İşlər Nazirliyinin məlumatına görə, polis yalnız iki şəxsi saxlayıb. Sonradan isə məhkəmə onların hər ikisini girov müqabilində azadlığa buraxıb. Media vasitələrinin məlumatına görə, Şevket Dvalidzeyə polislər tərəfindən ərizəsini geri götürməsi üçün təzyiq olunub.

"Sözügedən işin faktiki halları istintaqın işi yalnız sağlamlığa qarşı törədilmiş cinayət kimi deyil, həm də ehtimal olunan nifrət motivli cinayət kimi qiymətləndirməsinə əsas verir. Mövcud hallar, o cümlədən münaqişənin türk dilində danışıldıqdan sonra başlaması, hücum edənlərin kimliklə bağlı ifadələri, zərərçəkənlərin yaşayış evinədək təqib edilməsi və qrup zorakılığı göstərir ki, ehtimal olunan diskriminasiya motivi işin ikinci dərəcəli halı deyil, onun yaradıcı səbəbidir. Belə bir şəraitdə istintaqın üzərinə dil və dini dözümsüzlük motivini fəal şəkildə araşdırmaq və ona müvafiq hüquqi qiymət vermək öhdəliyi düşür."

Sosial Ədalət Mərkəzi səslənir:
Gürcüsta Daxili İşlər Nazirliyi və Prokurorluğuna:

• Axaltsixedə baş vermiş zorakılıq faktının tam, obyektiv və səmərəli araşdırılmasını təmin etsinlər, o cümlədən işin müvafiq kvalifikasiyasını (Cinayət Məcəlləsinin 156-cı (təqib) və ya 126-cı (zorakılıq) maddəsi ilə yanaşı dözümsüzlük motivinin eyniləşdirilməsini) təmin etsinlər və ehtimal olunan etnik, dil və dini dözümsüzlük motivini ortaya çıxarsınlar;
• Hücumda iştirak edən bütün şəxslərin şəxsiyyətini və məsuliyyətini müəyyən etsinlər, istintaqı yalnız iki şəxsin əməlinin qiymətləndirilməsi ilə məhdudlaşdırmasınlar;
• Zərərçəkənin şikayətin geri götürülməsinə yönəlmiş fərqli birbaşa və ya dolayısı təzyiqlər barədə bəyanatını müstəqil şəkildə öyrənsinlər, zərərçəkənlərin və şahidlərin təhlükəsizliyini təmin etsinlər;
• Cəmiyyətə bu və digər analoji işlər üzrə istintaqın gedişatı və ehtimal olunan dözümsüzlük motivinin öyrənilməsi barədə vaxtında məlumat təqdim etsinlər.

Gürcüstan Hökuməti, Barışıq və Mülki Bərabərlik Məsələləri üzrə Dövlət Nazirinin Aparatına:

• Müsəlman axısqa türklərinin ailəsinə qarşı ehtimal ki, dil və dini əsaslarla tətbiq olunmuş zorakılığı açıq şəkildə pisləsinlər;
• Axaltsixedə Müsəlman axısqa türklərinin məskunlaşdığı icmalarda etimadın bərpası, bərabərlik və müxtəlifliyi dəstəkləyən transformativ siyasət işləyib hazırlasınlar və müxtəlif qurumların (məktəb, özünüidarəetmə, mədəniyyət mərkəzləri) və aktorların (icma təşkilatları) cəlb olunması yolu ilə onları müvafiq şəkildə həyata keçirsinlər;
• Müsəlman axısqa türklərinin repatriasiyası və vətəndaşlıq siyasətinə yenidən baxsınlar, geri dönmüş ailələri illər ərzində tamhüquqlu yaşamaq imkanından məhrum edən bürokratik və praktiki maneələri aradan qaldırsınlar.

 

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.