Üzgüçülük hovuzları və idman zalları Əmək Müfəttişliyi
Departamentinin yoxlayışından sonra açılacaq.
Bu barədə Baş nazirin rəhbərliyi ilə fəaliyyət göstərən
Qurumlararası Koordinasiya Şurası iclasda qərar qəbul edib. Əmək
Müfəttişliyi Departamenti hovuz və idman zalları üçün tətbiq
edilmiş tənzimləmələri yayımlayacaq və sabahdan tələbə uyğun olaraq
yoxlamalara başlayacaqlar.Yoxlamadan uğurla keçən üzgüçülük
hovuzları və idman zalları təcili surətdə fəaliyyətini bərpa
edəcək.
Səhiyyə Nazirliyinin Əmək Müfəttişliyi Departamentinin rəhbəri Beka
Peradzenin bildirdiyinə görə hovuz və idman zalları ilə bağlı
konkret tövsiyələr yad olmayacaq, çünki onlarla daimi ünsiyyətləri
var və həmin qaydalar reallığa uyğun olacaq.
Fitnes zallar üçün hazırlanmış əsas tövsiyələr belədir:
• Hər 6 kv.metrə bir nəfər buraxılacaq;
• Havalandırmaya böyük əhəmiyyət veriləcək;
• Təbii havalandırmaya üstünlük veriləcək, sünii havalandırma
halında isə nominal sürətdə qurulmalıdır, müvafiq protokol və qayda
tətbiq olunacaq;
• Təmizləmədən sonra iki tərəfli külək prinsipi ilə
havalandırılmalıdır;
• Duşlar bir-birindən müvafiq baryerlə ayrılmalıdır;
• Şkaflar bir-birindən aralı olmalıdır;
• Dəsmallar birdəfəlik bağlamada olmalıdır;
• Qrup şəklində idman etmək üçün limit qoyulur. Prosedurda ən çox
10 nəfər iştirak etməlidir.